Azərbaycan Respublikası Prezidentinin 2013-cü il 24 iyun tarixli, 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı” nın  müvafiq bəndlərinin icrasından irəli gələn vəzifələrin yerinə yetirilməsi ilə əlaqədar yeniyetmə və gənclər arasında təbliğat və maarifləndirmə işinin gücləndirilməsi məqsədilə  Azərbaycan Dillər Universitetin “Uçurumun kənarında” adlı tamaşa nümayiş olunmuşdur. Tamaşada bu gün dünya gündəmində son dərəcə aktual olan zərərli vərdişlərin ailə münasibətlərində yol açdığı neqativ təsirləri və belə ailələrdə tərbiyə alan uşaqları qeyri sağlam həyat tərzinə sövq edən məsələlərdən bəhs edilmişdir.

  Tədbirdə Nazirlər Kabineti Aparatının hərbi və inzibati orqanlar şöbəsinin müdir müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupunun rəhbəri, Daxili İşlər Nazirliyi Baş Narkotiklərlə Mübarizə İdarəsinin rəis müavini, Təhsil Nazirliyinin əməkdaşı və digər aidiyyəti strukturların nümayəndələri, çoxsaylı müəllimlər və tələbələr iştirak etmişlər.