Azərbaycan Respublikası Prezidentinin 2013-cü il 24 iyun tarixli, 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Tədbirlər Planının icrası məqsədi ilə, həmçinin 26 iyun BMT-nin “Narkotiklərlə mübarizə günü” ilə əlaqədar Narkomanlığa və narkotik vasitələrin qanunsuz  dövriyyəsinə qarşı mübarizə üzrə Abşeron rayon komissiyasının təşkilatçılığı ilə maarifləndirici tədbir keçirilmişdir.

   Azərbaycan Respublikası Prezidentinin 2013-cü il 24 iyun tarixli, 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Tədbirlər Planının icrası məqsədi ilə, həmçinin 26 iyun BMT-nin “Narkotiklərlə mübarizə günü” ilə əlaqədar Narkomanlığa və narkotik vasitələrin qanunsuz  dövriyyəsinə qarşı mübarizə üzrə Daşkəsən rayon komissiyasının təşkilatçılığı ilə 07 iyun 2017-ci il tarixdə maarifləndirmə xarakterli tədbir keçirilmişdir.

   21 iyun 2016-cı il tarixində Nizami Rayon İcra Hakimiyyətinin təşkilatçılığı ilə 12 saylı orta məktəbdə rayon məktəblərinin direktor müavinləri, psixoloqları, uşaq birliyinin rəhbərləri, müəllim və şagirdlərinin, həmçinin valideyn və qonaqların iştirakı ilə 26 iyun BMT-nin Narkotiklərlə Mübarizə Günü münasibətilə “Narkomaniyasız sağlam həyat” adlı ümumrayon tədbiri keçirilib.

   Tədbiri Nizami Rayon İcra Hakimiyyəti başçısının müavini, Narkomanlığa və narkotik vasitələrin qanunsuz dövriyyəsinə qarşı mübarizə üzrə rayon komissiyasının sədri Gülnaz İsrafilova açaraq BMT-nin 1987-ci il Konvensiyasına daxil olan ölkələrin “Narkotik vasitələrin və psixotrop maddələrin qanunsuz dövriyyəsinə qarşı mübarizə haqqında” Bəyannaməsinə əsasən 26 iyun “Narkomaniya və Narkotiklərin Qeyri-qanuni Dövriyyəsinə Qarşı Ümumdünya Mübarizə Günü” kimi qeyd olunur. 1992-ci ildə Azərbaycan Respublikası BMT-yə tam hüquqlu üzv olduqdan sonra “Narkotik vasitələrin və psixotrop maddələrin qanunsuz dövriyyəsinə qarşı mübarizə haqqında” BMT-nin 1988-ci il konvensiyasına qoşulmuşdur. Ümummilli lider Heydər Əliyev narkomanlığa və narkotik vasitələrin qanunsuz dövriyyəsinə qarşı mübarizəni ümumdövlət vəzifəsi hesab edərək, 1996-cı il avqustun 26-da “Narkomanlığa və narkotik vasitələrin qanunsuz dövriyyəsinə qarşı mübarizə tədbirləri haqqında” müvafiq Fərman imzalamış və problemin həlli üçün keçirilən tədbirlər keyfiyyətcə yeni mərhələyə qədəm qoymuşdur. 1999-cu il iyun ayının 18-də “Narkotik vasitələr, psixotrop maddələr və prekursorların qanunsuz dövriyyəsi ilə mübarizə haqqında” Azərbaycan Respublikasının Qanunu Milli Məclisdə qəbul olunaraq ölkə başçısı tərəfindən imzalanmışdır. 2005-ci ildə görülən işlərin məntiqi davamı kimi beynəlxalq qurumların tövsiyələrinə, qoşulduğumuz Konvensiyaların müddəalarına uyğun olaraq “Narkotik vasitələrin, psixotrop maddələrin və onların prekursorlarının dövriyyəsi haqqında” Azərbaycan Respublikasının Qanunu Milli Məclisdə qəbul olunmuş və Azərbaycan Respublikasının Prezidenti İlham Əliyev cənabları tərəfindən imzalanmışdır. Prezident İlham Əliyevin 28 iyun 2005-ci il tarixli Fərmanı ilə təsdiq olunmuş “Narkotik vasitələrin, psixotrop maddələrin və onların prekursorlarının dövriyyəsi haqqında” Qanun narkotiklərlə mübarizə istiqamətində müvafiq dövlət və ictimai qurumlar qarşısında konkret vəzifələr qoymuş və bu istiqamətdə fəaliyyətin hüquqi bazasını təşkil etmişdir.

   Azərbaycan Respublikası Prezidentinin 2013-cü il 24 iyun tarixli, 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın icrası istiqamətində, habelə Dövlət Komissiyasının İşçi Qrupunun 2017-ci il iş və tədbirlər planına əsasən 2017-ci ilin ötən dövrü ərzində Nizami Rayon Komissiyası tərəfindən bir sıra tədbirlər keçirilib. G.İsrafilova keçirilmiş tədbirlər barədə ətraflı məlumat verib və xüsusilə qeyd edib ki,26 iyun BMT-nin Narkotiklərlə Mübarizə Günü münasibətilə Rayon Uşaq-Gənclər Yaradıcılıq Mərkəzi ilə birgə 2017-ci il iyun ayının 13-də “Narkomaniya – ağ ölüm” mövzusunda rəsm müsabiqəsi təşkil edilib.

    Sonra Bakı Şəhər Baş Polis İdarəsinin İctimai Təhlükəsizlik şöbəsinin yetkinlik yaşına çatmayanlarla profilaktiki işin təşkili bölməsinin rəisi, polis polkovnik-leytenantı Məryəm Ömərova çıxış edib, sağlam həyat tərzinin formalaşmasənda asudə vaxtın səmərəli keçirilməsini önə çəkib, xüsusilə də yay tətili günlərində bu sahəyə daha çox diqqətin ayrılmasının vacibliyini vurğulayıb.

   Respublika Narkoloji Mərkəzinin narkoloq-həkimi Asif Kəngərli öz çıxışında narkomanlığın yaratdığı sosial bəlalardan, onun insan orqanizminə vurduğu sağalmaz yaralardan söhbət açıb, gəncləri zərərli vərdişlərdən uzaq olmağa çağırıb.

   Tədbirin sonunda Rayon Uşaq-Gənclər Yaradıcılıq Mərkəzinin dərnək üzvlərinin hazırladığı asudə vaxtın səmərəli təşkilinin təbliğinə həsr olunmuş “Narkomaniyasız sağlam həyat” adlı musiqili-əyləncəli kompozisiya nümayiş olunub.

  Ədliyyə Nazirliyi Penitensiar Xidməti ilə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi qrupu arasında 2017-ci ilə dair təsdiq edilmiş birgə “Tədbirlər Planı”na müvafiq olaraq, Gənclər və İdman Nazirliyinin dəstəyi ilə Bakı Uşaq Teatrının “Həyatla oyun” tamaşası cari ilin 29 iyun tarixində 13 saylı cəzaçəkmə müəssisəsində nümayiş olunub. 

   Maarifləndirmə funksiyasını yerinə yetirən və narkomaniyanın doğurduğu faciələr, QİÇS və bir sıra başqa qorxunc xəstəliklərin yayılması yolları haqqında aydın təsəvvür yaradan. tamaşa məhkumlar tərəfindən böyük maraqla qarşılandı.

  Sonda Dövlət Komissiyasının İşçi qrupu tərəfindən hazırlanmış maarifləndirici çap məhsulları məhkumlar arasında paylanılmışdır. Eyni zamanda zəruri təbliğat materiallarıi cəzaçəkmə müəssisəsinin oxu zalına da təqdim olunmuşdur.

   “Narkotik vasitələrin, psixotrop maddələrin və onların prekursorlarının  qanunsuz  dövriyyəsinə və narkomanlığa  qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Tədbirlər Planının icrası olaraq ictimai maarifləndirmə tədbirlərinin əhatəsinin genişləndirilməsi, narkomanlıqla mübarizə sahəsində profilaktik fəaliyyətin təsirliliyini artırmaq və sağlam həyat tərzini təbliğ etmək məqsədilə Dövlət Komissiyasının İşçi qrupu tərəfindən hazırlanan yeni sosial rolik cari ilin 22 iyun tarixindən etibarən Nəqliyyatı İntellektual İdarəetmə Mərkəzinin bütün dayanacaqlarında yerləşən avtobus informasiya terminal monitorlarında işıqlandırılır.  

   Azərbaycan Respublikası Baş nazirinin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri cənab Əli Həsənovun müvafiq tapşırığına əsasən,  “26 iyun BMT-nin Narkotiklərlə Mübarizə Günü” ərəfəsində həyata keçirilən ictimai maarifləndirmə tədbirlərinin davamı olaraq “Narkomaniyaya birlikdə yox deyək” adlı xüsusi loqo (iki formatda) 2017-ci ilin 23 iyun tarixindən etibarən (4 gün müddətində) Bakı şəhəri üzrə Nəqliyyatı İntellektual İdarəetmə Mərkəzinin elektron informasiya tablolarında nümayiş olunur.

   Azərbaycan Respublikası Baş nazirinin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri cənab Əli Həsənovun müvafiq göstərişinə əsasən26 iyun “Narkomaniya və narkotiklərin qeyri-qanuni dövriyyəsinə qarşı Ümumdünya mübarizə günü” ilə əlaqədar Dövlət Komissiyasının İşçi Qrupu, Nərimanov rayon İcra Hakimiyyəti ilə birgə cari ilin 23 iyun tarixində Avrasiya Universitetində maarifləndirmə xarakterli tədbir keçirmişdir.

   Tədbirdə tələbələr yaxından iştirak etməklə, mütəxəssislər tərəfindən onlara narkomaniya, onun doğurduğu fəsadlar, narkotiklərin insan orqanizminə məhvedici təsiri, cəmiyyətə və insanların sağlamlığına ziyanı, törətdiyi sosial bəlalar barədə ətraflı məlumat verilmiş, o cümlədən antinarkotik təbliğat işinə tələbə təşkilatlarının qoşulmasının əhəmiyyəti barədə fikir mübadiləsi aparılmışdır.

   Sonda Dövlət Komissiyasının İşçi qrupu tərəfindən hazırlanmış zəruri əyani vəsaitlər tədbir iştirakçılarına paylanılmışdır.

   Şəki şəhər polis şöbəsinin əməkdaşları tərəfindən “Xaş-xaş 2017” şərti adlı kompleks profilaktik tədbirlər planına uyğun olaraq keçirilmiş əməliyyat-axtarış tədbirlər nəticəsində Şəki rayonu, Cunud kəndi ərazisində 1,5 ha sahədən 14035 ədəd olmaqla ümumi çəkisi  8 ton 352 kiloqram olan yabanı halda bitmiş narkotik tərkibli çətənə kolları aşkar olunaraq, yaşıl kütlə şəkilində yandırılma üsulu ilə məhv edilmişdir.

    Şəki şəhər polis şöbəsinin əməkdaşları tərəfindən “Xaş-xaş 2017” şərti adlı kompleks profilaktik tədbirlər planına uyğun olaraq keçirilmiş əməliyyat-axtarış tədbirlər nəticəsində Şəki rayonu, Öyrət kəndi ərazisində ərazisində 0,6 ha sahədən 4854 ədəd olmaqla ümumi çəkisi 461 kiloqram olan  yabanı halda bitmiş narkotik tərkibli çətənə kolları aşkar olunaraq, yaşıl kütlə şəkilində yandırılma üsulu ilə məhv edilmişdir.

   Şəki şəhər polis şöbəsinin və “N” saylı Sərhəd Qoşunları hərbi hissəsinin əməkdaşları “Xaş-xaş 2017” şərti adlı kompleks profilaktik tədbirlər planına uyğun olaraq keçirilmiş əməliyyat-axtarış tədbirlər nəticəsində Şəki rayonu, Öyrət kəndi ərazisində ərazisində 3 ha sahədən 1745 ədəd olmaqla ümumi çəkisi 2 ton 356 kiloqram olan  yabanı halda bitmiş narkotik tərkibli çətənə kolları aşkar olunaraq, yaşıl kütlə şəkilində yandırılma üsulu ilə məhv edilmişdir.

  Ədliyyə Nazirliyi Penitensiar Xidməti ilə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi qrupu arasında 2017-ci ilə dair təsdiq edilmiş birgə “Tədbirlər Planı”na müvafiq olaraq, Gənclər və İdman Nazirliyinin dəstəyi ilə Bakı Uşaq Teatrının “Həyatla oyun” tamaşası cari ilin 13 iyun tarixində 14 saylı cəzaçəkmə müəssisəsində nümayiş olunub. 

   Maarifləndirmə funksiyasını yerinə yetirən və narkomaniyanın doğurduğu faciələr, QİÇS və bir sıra başqa qorxunc xəstəliklərin yayılması yolları haqqında aydın təsəvvür yaradan. tamaşa məhkumlar tərəfindən böyük maraqla qarşılandı.

  Sonda Dövlət Komissiyasının İşçi qrupu tərəfindən hazırlanmış maarifləndirici çap məhsulları məhkumlar arasında paylanılmışdır. Eyni zamanda zəruri təbliğat materiallarıi cəzaçəkmə müəssisəsinin oxu zalına da təqdim olunmuşdur.

   Göygöl rayon polis şöbəsinin əməkdaşları tərəfindən “Xaş-xaş 2017” şərti adlı kompleks profilaktik tədbirlər planına uyğun olaraq keçirilmiş əməliyyat-axtarış tədbirlər nəticəsində Göygöl Bələdiyyəsinə məxsus Ərəbli su arxının kənarında  1,8 ha sahədən 2710 ədəd olmaqla ümumi  çəkisi 878 kiloqram olan  yabanı halda bitmiş narkotik tərkibli çətənə kolları aşkar olunaraq, yaşıl kütlə şəkilində yandırılma üsulu ilə məhv edilmişdir.