26 iyun -“Narkotik vasitələrin sui-istifadəsi və qanunsuz dövriyyəsi ilə Beynəlxalq Mübarizə Günü” ilə əlaqədar təşkil edilən silsilə tədbirlər çərçivəsində Nəqliyyat, Rabitə və Yüksək Texnologiyalar Nazirliyinin və Dövlət Komissiyasının daimi fəaliyyət göstərən İşçi Qrupunun birgə əməkdaşlığı ilə iyunun 25-dən etibarən “Bakcell” abunəçilərinə SMS formasında müvafiq mətnli zəruri bildiriş və əlaqə vasitələri göndərilib.

     SMS-lər (Narkotiklər haqqında həqiqəti öyrənək və heç bir halda ondan istifadə etməyək! www.nmdk.gov.az, qaynar xətt 802) mərhələli qaydada təqribən 2 milyon abunəçiyə ünvanlanıb.

    25 iyun 2021-ci il tarixində Qəbələ rayon İcra Hakimiyyətinin və Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun birgə təşkilatçılığı ilə “Narkomanlığa birlikdə yox deyək” mövzusunda onlayn tədbir keçirilmişdir.   

   “26 iyun - Narkotik vasitəlıərin, sui-istifadəsi və qanunsuz dövriyyəsi ilə Beynəlxalq Mübarizə Günü ilə əlaqədartəşkil edilən video konfransda Dövlət Komissiyasının İşçi Qrupunun, rayon İcra hakimiyyətinin, polis şöbəsinin, təhsil şöbəsinin, gənclər və idman idarəsinin, uşaq və ailələrə dəstək mərkəzinin, Qəbələ Dövlət Peşə Təhsil Mərkəzinin əməkdaşları, gənclər və ictimaiyyət nümayəndələri iştirak etmişdir.

   Tədbirdə çıxış edənlər narkomaniyanın törətdiyi fəsadlara qarşı mübarizənin bu gün xüsusilə aktual xarakter daşıdığını, narkomaniya əleyhinə aparılan tədbirlərin hər zaman ölkə rəhbərliyinin diqqət mərkəzində olduğunu və bu istiqamətdə mühüm tədbirlər həyata keçirildiyini bildirmişdilər.

    Sonda gəncləri maraqlandıran suallar cavablandırıldı.

    26 iyun -“Narkotik vasitələrin sui-istifadəsi və qanunsuz dövriyyəsi ilə Beynəlxalq Mübarizə Günü” ilə əlaqədar Abşeron rayon İcra Hakimiyyətinin və Dövlət Komissiyasının İşçi Qrupunun birgə təşkilatçılığı ilə 24 iyun 2021-il tarixində maarifləndirici tədbir keçirilmişdir.

   Tədbirdə Abşeron Rayon İcra Hakimiyyəti Başçısı aparatının məsul əməkdaşı, Azərbaycan Respublikası Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun məsul əməkdaşı,Təhsil şöbəsinin müdir müavini, məktəb direktorları, onların təlim-tərbiyyə üzrə müavinləri və psixoloqlar çıxış edərək narkomaniyaya qarşı mübarizə üsullarından və zərərli vərdişlərin insan orqanizminə vurduğu zərərlərin acı fəsadları barədə geniş danışılmış, məktəbliləri maraqlandıran suallar ətrafında müzakirələr aparılmışdır.

    Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun və Nəqliyyat, Rabitə  və Yüksək Texnologiyalar Nazirliyinin birgə əməkdaşlığı ilə iyunun 25-dən etibarən ictimai maarifləndirmə tədbirlərinin təşkili ilə əlaqədar sağlam həyat tərzinin təbliği və narkotiklərin ziyanına dair əhalini məlumatlandırmaq məqsədilə "Azərfon" abunəçilərinə SMS formasında zəruri bildiriş və əlaqə vasitələri göndərilib.

     Həmin məlumatın (Narkotiklər haqqında həqiqəti öyrənək və heç bir halda ondan istifadə etməyək! www.nmdk.gov.az, qaynar xətt 802) yer aldığı SMS-lər mərhələli qaydada təqribən 1,3 milyon abunəçiyə ünvanlanıb.

    Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu və Bakı Nəqliyyat Agentliyinin birgə əməkdaşlığı çərçivəsində 26 iyun-“Narkotik vasitələrin sui-istifadəsi və qanunsuz dövriyyəsi ilə Beynəlxalq Mübarizə Günü” ilə əlaqədar ictimai maarifləndirmə istiqamətində görülən işlərin təsirliyini artırmaq məqsədi ilə “Narkomaniyaya birlikdə yox deyək” adlı şüar (iki formada) cari ilin 23 iyun tarixindən etibarən (5 gün müddətində) Bakı Nəqliyyat Agentliyinin elektron informasiya terminallarında (VMS) nümayiş olunur.

        “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”na müvafiq olaraq, narkomanlığın qarşısının alınması ilə bağlı təbliğat və maarifləndirmə tədbirlərinin gücləndirilməsi və davamlılığının təmin edilməsi məqsədilə  Dövlət Komissiyasının İşçi Qrupunun və Binəqədi rayon İcra Hakimiyyətinin təşkilatçılığı ilə 24.06.2021-ci il tarixdə Binəqədi rayonunda fəaliyyət göstərən “Binəqədi Gənclər Evi”ndə aidiyyəti dövlət orqanlarının məsul əməkdaşları tərəfindən “Sağlam həyat naminə narkotikə yox” mövzusunda 25 nəfər aktiv  gənclərin iştirakı ilə maarifləndirici tədbir təşkil olunmuşdur.

         Tədbirdən öncə məktəblilərin narkomaniya mövzusunda çəkdikləri rəsmlərə baxış keçirildi.

         Tədbiri giriş sözü ilə Binəqədi  rayon İcra Hakimiyyəti başçısının müavini Sevinc Süleymanova açaraq mövzu ətrafında ətraflı çıxış etdi.

       Sonra tədbirdə iştirak edən, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının  İşçi Qrupunun rəhbər müavini Tanrıverdi Aydınov, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının üzvü, Milli Qeyri Hökumət Təşkilatları Forumunun Prezidenti Rauf Zeyni, Binəqədi rayon Polis İdarəsinin Cinayət Axtarış Şöbəsinin rəisi Namiq Acalov  mövzu ətrafında çıxış edərək, narkomanlığa və narkotik maddələrin qanunsuz dövriyyəsinə qarşı aparılan mübarizə tədbirlərinin təşkilində dövlətin rolu, bu sahəni tənzimləyən qanunvericilik bazası, Dövlət Proqramları, İşçi Qrupu və aidiyyəti qurumlar tərəfindən görülən işlər və əldə olunan nəticə barədə iştirakçıları məlumatlandirdıq və onlar tərəfindən ünvanlanan çox saylı suallar cavablandırdı.

    Sonda Dövlət Komissiyasının İşçi Qrupu tərəfindən hazırlanmış “802” Qaynar Xəttinə dair videoçarxın nümayişi və zəruri təbliğat materiallarının iştirakçılar arasında paylanılması təşkil edildi və tədbir iştirakçılarını maraqlandıran suallar  ətrafında geniş diskussiyalar aparıldı

    24 iyun 2021-ci il tarixində Şirvan şəhər İcra Hakimiyyətinin və Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun birgə təşkilatçılığı ilə 26 iyun “Ümumdünya Narkotiklərlə Mübarizə günü” ilə əlaqədar “Sağlam gələcək naminə -Narkotiklərə yox deyək” adlı onlayn videokonfrans keçirilmişdir.

    Konfransda Dövlət Komissiyasının İşçi qrupunun sektor müdiri, Şirvan Şəhər Polis Şöbəsinin Cinayət Axtarış Şöbəsinin rəisi, Şirvan şəhər İcra Hakimiyyətinin nümayəndəsi, Şirvan şəhər Gənclər və İdman İdarəsinin rəisi, tələbələr, şagirdlər və gənclər iştirak etmişdir.

    Tədbirdə çıxış edənlər müasir dövrün ən qorxulu bəlalarından olan narkomaniya və onun fəsadları, gətirdiyi faciələr, yeniyetmə və gənclərin narkomanlıq və digər zərərli vərdişlərdən qorunmasının, orta və ali təhsil müəssisələrində narkomaniyaya qarşı maarifləndirici tədbirlərin, mütəxəssislərin iştirakı ilə görüşlərin daha geniş şəkildə keçirilməsi, yeniyetmə və gənclərin asudə vaxtlarının səmərəli təşkili, onların idmana cəlb olunması, sağlam və bilikli böyüməsi istiqamətində görülən işlərin genişləndirilməsinin mühüm əhəmiyyət kəsb etdiyini qeyd etmişdir.

    26 iyun -“Narkotik vasitələrin sui-istifadəsi və qanunsuz dövriyyəsi ilə Beynəlxalq Mübarizə Günü” ilə əlaqədar Nəsimi rayon icra hakimiyyətinin və Dövlət Komissiyasının İşçi Qrupunun birgə təşkilatçılığı ilə videokonfrans şəklində maarifləndirici tədbir keçirilmişdir.

    Tədbirdə Nəsimi rayon İcra Hakimiyyəti Başçısının  müavini, Narkomanlığa və narkotik vasitələrin qanunsuz dövriyyəsinə qarşı   mübarizə üzrə rayon komissiyasnın sədri Zahid Xəlilov, Dövlət Komissiyasının işçi qrupunun sektor müdiri Raqif Allahverdiyev, Səhiyyə Nazirliyinin İctimai Səhiyyə və İslahatlar Mərkəzinin həkimi Ülkər Camalova, rayon Gənclər və İdman İdarəsinin rəisi Şahmar Tağıyev, Nəsimi rayon Polis İdarəsinin YYÇ-larla profilaktik iş bölməsinin əməkdaşı polis kapitanı Yeganə Zeynalova, “Məşədi Dadaş Zülfüqaroğlu məscidi” dini icmasının rəhbəri Şahin Həsənov, Qarabağ müharibəsi əlilləri, veteranları və şəhid ailələri ictimai birliyinin Nəsimi rayon şöbəsinin sədri Azər Quliyev çıxış edərək narkomaniyaya qarşı mübarizə üsullarından və zərərli vərdişlərin insan orqanizminə vurduğu zərərlərin acı fəsadları barədə geniş danışmış, məktəbliləri maraqlandıran suallar ətrafında müzakirələr aparılmışdır.

     Cari ilin 18 iyun tarixində Nərimanov rayon 200 nömrəli Məktəb-Lisey Komleksuində        “Biz sağlam həyat tərzini seçirik” mövzusunda maarifləndirmə tədbiri keçirilib.

    Tədbir “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”na müvafiq olaraq, narkomanlığın qarşısının alınması ilə bağlı təbliğat və maarifləndirmə işlərinin gücləndirilməsi və davamlılığının təmin edilməsi məqsədilə  Dövlət Komissiyasının İşçi Qrupunun və Nərimanov rayon İcra Hakimiyyətinin təşkilatçılığı ilə maarifləndirmə tədbiri keçirilmişdir.

   Tədbirdə Nərimanov rayon İcra Hakimiyyəti başçısının birinci müavini İradə Mahmudova,  Narkomanlığa və Narkotik vasitələrin qanunsuz dövriyyəsinə qarşı mübarizə üzrə Dövlət Komissiyasının üzvü Milli Qeyri Hökümət Təşkilatının Prezidenti Rauf Zeyni, Dövlət Komissiyasının İşçi Qrupunun rəhbər müavini Tanrıverdi Aydınov, o cümlədən  Səhiyyə Nazirliyi Bakı Narkoloji Mərkəzinin həkim narkoloqu mövzu ətrafında çıxışlar edərək narkotiklərin insan orqanizminə məhvedici təsiri, narkomaniyanın doğurduğu faciələr,  maarifləndirmə sahəsində həyata keçiriləcək tədbirlərə diqqətin artırılması haqqında məlumat və tövsiyələr vermiş, tədbir iştirakçılarını maraqlandıran suallar ətrafında geniş diskussiyalar aparılmışdır.

    Eyni zamanda, tədbir çərçivəsində Dövlət Komissiyasının İşçi Qrupu tərəfindən hazırlanmış “802” Qaynar Xəttinə dair videoçarxın nümaişi və zəruri təbliğat materiallarının iştirakçılar arasında  paylanılması təşkil edilmişdir.

       26 may 2021-ci il tarixdə Qubadlı rayon polis şöbəsinin, Dövlət Sərhəd Xidmətinin və Ekologiya və Təbii Sərvətlər Nazirliyinin əməkdaşları tərəfindən “Xaş-xaş 2021” şərti adlı kompleks profilaktik tədbirlər planına uyğun olaraq keçirilmiş əməliyyat-axtarış tədbirlər nəticəsində rayonun Davudlu kəndi ərazisində 3031 ədəd, ümumi çəkisi 1 ton 700 kq olan yabanı halda bitmiş narkotik tərkibli çətənə kolları aşkar olunaraq, yaşıl kütlə şəkilində yandırılma üsulu ilə məhv edilmişdir.

     Ağdam rayon polis şöbəsinin əməkdaşları tərəfindən “Xaş-xaş 2021” şərti adlı kompleks profilaktik tədbirlər planına uyğun olaraq keçirilmiş əməliyyat-axtarış tədbirlər nəticəsində rayonun işğaldan azad edilmiş Xaçındərbənd kəndi ərazisində yerləşən boş torpaq sahəsində 1500 ədəd, ümumi  çəkisi 1 ton 800 kq olan yabanı halda bitmiş narkotik tərkibli çətənə kolları aşkar olunaraq, yaşıl kütlə şəkilində yandırılma üsulu ilə məhv edilmişdir.

    Qax rayon polis şöbəsinin  əməkdaşları tərəfindən “Xaş-xaş 2021” şərti adlı kompleks profilaktik tədbirlər planına uyğun olaraq keçirilmiş əməliyyat-axtarış tədbirlər nəticəsində rayonun Əlibəyli kəndi ərazisində 8250 ədəd, çəkisi 2690 kq və Fıstıqlı kəndi ərazisində 10300 ədəd, çəkisi 1442 kq olmaqla ümumilikdə 4 ton 132 kq və 18550 ədəd  yabanı halda bitmiş narkotik tərkibli çətənə kolları aşkar olunaraq, yaşıl kütlə şəkilində yandırılma üsulu ilə məhv edilmişdir.