Azərbaycan Respublikası Baş nazirinin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri cənab Əli Həsənovun müvafiq tağşırığına əsasən narkomanlığın cəmiyyətə və insanların sağlamlığına ziyanı barədə təbliğat aparılması məqsədi ilə və “26 iyun - BMT-nin Narkotiklərlə Mübarizə Günü” ilə əlaqədar Dövlət Komissiyasının işçi qrupu və Gənclər İdman Nazirliyi tərəfindən hazırlanmış 1 dəqiqə 7 saniyəlik video rolik Bakı şəhərinin mərkəzi küçələrində yerləşən 9 reklam tablolarında 24-25 iyun tarixlərində yayımlanmış, həmçinin 26 iyun tarixdə də işıqlandırılması nəzərədə tutulmuşdur.

  Bununla yanaşı, Bakı şəhəri üzrə Nəqliyyatı İntellektual İdarəetmə Mərkəzinin 515 piyada dayanacaqlarında yerləşən avtobus informasiya terminal monitorlarında hazırlanmış video rolik cari ilin 24 iyun tarixdən işiqlandırılmaqdadır (3 gün ərzində).

   Eyni zamanda, narkomanlığın zərəri barədə əhalinin məlumatlandırılması məqsədi ilə Dövlət Komissiyasının İşçi qrupu tərəfindən hazırlanmış “Narkomaniyaya birlikdə yox deyək” adlı xüsusi loqo 26 iyun tarixdə intelektual VMS məlumat məntəqələrinin 14 yerləşmə löhvəsində işıqlandırılacaqdır.

  Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupu, Bakı Şəhər Gənclər və İdman Baş İdarəsi və digər aidiyyəti orqanlar ilə birgə 26 iyun BMT-nin “Narkotiklərlə Mübarizə Günü” münasibəti ilə, 2014-cü il iyunun 24-də saat 10:30-da dənizkənarı bulvar ərazisində “Narkomaniyadan özümüzü qoruyaq” adlı aksiya keçirilmişdir.        

  Tədbirdə İşçi qrupu tərəfindən hazırlanmış maarifləndirici bukletlər, yaddaş kitabçaları və üzəri yazılmış köynəklər tədbir iştirakçılarına və ictimaiyyətə paylanılmışdır.

  Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri cənab Əli Həsənovun tağşırığına əsasən, “Beynəlxalq Narkotiklərlə Mübarizə Günü” ərəfəsində, 20 iyun 2014-cü il tarixdə Bünyad Sərdarov adına “Maşınqayırma Zavodu”nun inzibati ərazisində 161 məhkəmə hökmü ilə müsadirə olunmuş 625 kq-dan artıq müxtəlif növ narkotik vasitələr, psixotrop maddələr və onların prekursorları Dövlət Komissiyasının İşçi qrupunun təşkilatçılığı ilə Müsadirə edilmiş narkotik vasitələri, psixotrop maddələri və onların prekursorlarını Məhvetmə Komissiyası tərəfindən məhv edilmişdir.

 Məhv edilən narkotik vasitələrin, psixotrop maddələrin və onların prekursorlarının 31 kq 182,85 qr -ı heroin, 176 kq 253,6 qr -ı marixuana, 209 kq 728,758 qr -ı həşiş, 55 kq 236,334 qr -ı tiryək, 19 kq 964,941 qr-ı metamfetamin, 119 kq 600,93 qr və 3079 ədədi çətənə bitkiləri, 13 kq 550,4 qr-ı xaş-xaş, 0,685 qr-ı metadon təşkil etmişdir. (Müsadirə edilmiş müxtəlif növ narkotik vasitələrin qarabazarda ümumi dəyəri 7 mln ABŞ dollar təşkil edir).

  Məhv edilmiş müxtəlif növ narkotik vasitələrin 424 kq 425,661 qr -ı Daxili İşlər Nazirliyi, 32 kq 517,566 qr-ı Milli Təhlükəsizlik Nazirliyi, 90 kq 933,859 qr -ı Dövlət Gömrük Komitəsi və 77 kq 642,41 qr-ı Dövlət Sərhəd Xidməti tərəfindən aşkar olunmuş faktlara aiddir.    

  Məhvetmə prosesi respublikada fəaliyyət göstərən televiziya kanalları və digər kütləvi informasiya vasitələri tərəfindən işıqlandırılmışdır.

    03-07 mart 2014-cü il tarixlərdə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupunun və Azərbaycan Milli Qeyri Hökumət Təşkilatları Forumunun birgə təşkilatçılığı ilə Respublikanın Xaçmaz, Siyəzən və Şabran rayonlarında “Narkomanlığa və narkobiznesə qarşı mübarizədə qeyri-hökumət təşkilatlarının rolunun artırılması” mövzusunda konfrans keçirilmişdir.

    Tədbirdə Qeyri Hökumət Təşkilatları Forumunun prezidenti Rauf Zeyni, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi qrupunun baş referenti Şahin İsmayılov, rayon icra hakimiyyətləri (Xaçmaz, Siyəzən və Şabran)  yanında fəaliyyət göstərən Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyaların sədrləri, rayonların müəssisə və digər aidiyyəti təşkilatlarının nümayəndələri iştirak edərək mövzu ətrafında çıxış etmişlər.

     Azərbaycan Respublikasının Prezidenti cənab İlham Əliyevin 24 iyun 2013-cü il tarixli 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın tələbləri və onun gələcək icrası əsas müzakirə mövzusu oldu.

    Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri cənab Əli Həsənovun tağşırığına əsasən 10 dekabr 2013-cü il tarixdə  “Bakı Neft Mədən Maşınqayırma Zavodu”nun inzibati ərazisində məhkəmə hökmləri ilə müsadirə olunmuş 420 kq-dan artıq müxtəlif növ narkotik vasitələr, psixotrop maddələr və onların prekursorları Dövlət Komissiyasının İşçi qrupunun təşkilatçılığı ilə Müsadirə edilmiş narkotik vasitələri, psixotrop maddələri və onların prekursorlarını Məhvetmə Komissiyası tərəfindən məhv edilmişdir.

    Məhv edilən narkotik vasitələrin, psixotrop maddələrin və onların prekursorlarının 48 kq 951,3 qr-ı heroin, 129 kq 432,657 qr-ı marixuana, 168 kq 977,509 qr-ı həşiş, 55 kq 546,98 qr-ı tiryək, 17 kq 119,89 qr-ı və 427 ədədi çətənə bitkiləri, 261,702 qr-ı psixotrop maddələr təşkil etmişdir.(Müsadirə edilmiş müxtəlif növ narkotik vasitələrin qarabazarda ümumi dəyəri 6 mln 660 min ABŞ dollar təşkil edir).

       Məhv edilmiş müxtəlif növ narkotik vasitələrin 286 kq 383,705 qr-ı Daxili İşlər Nazirliyi, 43 kq 112,205 qr-ı Milli Təhlükəsizlik Nazirliyi, 30 kq 929,88 qr-ı Dövlət Gömrük Komitəsi və 59 kq 864,248 qr-ı Dövlət Sərhəd Xidməti tərəfindən aşkar olunmuş faktlara aiddir.    

      Məhvetmə prosesi respublikada fəaliyyət göstərən televiziya kanalları və digər kütləvi informasiya vasitələri tərəfindən işıqlandırılmışdır.

    Dövlət Komissiyasının İşçi qrupunun rəhbəri Məzahir Əliyev məhvetmə prosesinin sonunda mətbuat konfransı keçirmişdir.

  Əsası Ümummilli Lilderimiz Heydər Əliyev tərfindən qoyulan narkomaniyaya və QİÇS-in yayılmasına qarşı uğurlu siyasəti dəstəkləmək məqsədi ilə yaradılan “Antinarkomaniya Sahəsində Gənclərin Təşəbbüsü” İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “Gələcəyin öz əlindədir, maariflən!” adlı layihə çərçivəsində Respublikanın Yevlax və Gəncə şəhərlərinin hər birində iki tam orta ümumtəhsil müəssisələrində “Narkomaniyaya “Yox” deyək” devizi altında tədbir keçirmişdir.

Tədbirlərdə “Antinarkomaniya Sahəsində Gənclərin Təşəbbüsü” İctimai Birliyinin və şəhərlərin aidiyyəti strukturlarının nümayəndələri,  çoxsaylı müəllimər və şagirdlər iştirak etmişlər.

  Çıxış edən nümayəndələr və müəllimlər “ağ ölüm” adlandırılan narkomaniya və onun fəsadları, narkomaniyadan və QİÇS-dən qorunmağın yolları və s. barədə ətraflı məlumat vermiş, dövlətimizin hər bir vətəndaşa olan qayğısından, gələcəyimiz olan gənclərin sağlam böyüməsinin vacibliyindən danışmışlar.

  Tədbirlər çərçivəsində ümumtəhsil müəssisələrində və şəhərlərdə 10.000 ədəd 2 formada maarifləndirici buklet, 400 ədəd üzəri yazılmış köynək paylanılmışdır.

  Keçirilən tədbirlər Yevlax şəhərinin “El TV” televiziya kanalı tərəfindən işıqlandırılmışdır. 

   25 noyabr 2013-cü il tarixdə Azərbaycan Respublikası Baş Nazirinin müavini, Narkomanlığa və NarkotikVasitələrin Qanunsuz Dövriyyəsinə Qarşı Mübarizə üzrə Dövlət Komissiyasınınsədri cənab Əli Həsənov UNICEF-in Azərbaycandakı Nümayəndəliyinin rəhbəri Mark Herevardı, müavini Rəşid Mustafanı və UNICEF-in Regional Ofisinin (Cenevrə, İsveçrə) QİÇS üzrə Baş Məsləhətçisi-beynəlxalq ekspert Nina Ferenkiçi nazirlər kabinetində qəbul etmişdir.

     Cənab Əli Həsənov qonaqaları salamlayaraq, ölkədə mövcüd olan narkotik vəziyyət, narkomanlığa və narkotik vasitələrin qanunsuz dövriyyəsinə qarşı mübarizəyə ölkə prezidenti səviyyəsində yetirilən diqqət və tələbkarlıq, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının həyata keçirdiyi tədbirlər haqqında ətraflı məlumat vermişdir.

   Daha sonra, cənab Əli Həsənov Ermənistan Silahlı Qüvvələri tərəfindən Azərbaycanın işğal olunmuş ərazilərində narkotik tərkibli bitkilərin əkilib-becərilməsi, onların istehsalı, işğal olunmuş ərazilərimizdən narkotiklərin qanunsuz daşınması və s. məsələlər barədə məlumatların BMT-nin müvafiq qurumlarına mütəmadi olaraq çatdırıldığını, lakin Ermənistanın müxtəlif bəhanələr gətirərək BMT ekspertlərini işğal olunmuş ərazilərə buraxmadığını, aidiyyəti təşkilatların da lazımi tədbirləri görmədiyini bildirdi. Əfqanıstanda istehsal olunan narkotik vasitələrin ölkəmizə daxil olma marşrutları haqqında məlumatlar verməklə, Böyük  Britaniyanın London şəhərində çap olunan “The Lancet”tibb jurnalında Azərbaycanda narkomanların sayının 300.000 min olmasının, həmçinin inyeksiya yolu ilə narkotik qəbul edənlərin sayının rəsmi rəqəmlərdən kəskin fərqləndiyini qeyd etdi. Narkomanların dəqiq sayının müəyyənləşdirilməsi məqsədilə müvafiq köməklik göstərilməsi üçün dəfələrlə BMTnin müvafiq qurumlarına müraciət etdiyini diqqətə çatdırdı.

   Cənab Əli Həsənovun tapşırığı ilə Azərbaycan Respublikası Prezidentinin 2013-cü il 24 iyun tarixli 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nınsurəti qonaqlara təqdim olundu.

 UNICEF-in Azərbaycandakı Nümayəndəliyinin rəhbəri cənab Mark Herevardıaz təminatlı ailələrdə böyüyən uşaqlar, o cümlədən müharibədən əziyyət çəkən ailələrdə böyüyən yeniyetmələr və digər kateqoriyadan olan uşaqlara yardım proqramı çərçivəsində müvafiq tədbirlərin görüləcəyi təklifini, xanım Nina Ferenkis isə QİÇS-in yayılmasının qarşısının alınmasında Azərbaycanda müvafiq layihələrin tətbiqinin mümkünlüyünü qeyd etdi.

   Cənab Əli Həsənov hər iki təklifə rəsmi müraciət olunduqdan sonra Hökumətin müvafiq strukturlarında baxılacağını bildirdi.

    Görüşdə Azərbaycan Respublikası Nazirlər Kabinetinin Hərbi və İnzibati orqanlar şöbəsinin müdiri Elman Gərayzadə, şöbə müdirinin müavini Ceyhun Hüseynov, Dövlət Komissiyasının İşçi qrupunun rəhbəri Məzahir Əliyev və İşçi qrupunun mütəxəssisi Turcay Əhmədov iştirak edirdi.

Məhkəmələrin qanuni hökmləri üzrə müsadirə edilmiş və barəsində məhvetmə qərarı çıxarılmış narkotik vasitələr, psixotrop maddələr və onların prekursorları məhv edilmişdir

       25 iyun 2013-cü il tarixdə, “Beynəlxalq Narkotiklərlə Mübarizə Günü” ərəfəsində Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri cənab Əli Həsənovun tağşırığına əsasən, “Bakı Neft Mədən Maşınqayırma Zavodu”nun inzibati ərazisində məhkəmə hökmləri ilə müsadirə olunmuş 375 kq-dan artıq müxtəlif növ narkotik vasitələr, psixotrop maddələr və onların prekursorları Dövlət Komissiyasının İşçi qrupunun təşkilatçılığı ilə Müsadirə edilmiş narkotik vasitələri, psixotrop maddələri və onların prekursorlarını Məhvetmə Komissiyası tərəfindən məhv edilmişdir.

       Məhv edilən narkotik vasitələrin, psixotrop maddələrin və onların prekursorlarının 31 kq 261,674 qr-ı heroin, 121 kq 364,38 qr-ı marixuana, 73 kq 737,9 qr-ı həşiş, 57 kq 738,761 qr-ı tiryək, 34 kq 708,35 qr-ı çətənə bitkiləri, 53 kq 987,5 qr-ı xaş-xaş, 2 kq 305,306 qr-ı metamfetamin təşkil etmişdir.

       Məhv olunmuş müxtəlif növ narkotik vasitələrin 293 kq 936,575 qr-ı Daxili İşlər Nazirliyi, 39 kq 960,06 qr-ı Milli Təhlükəsizlik Nazirliyi, 37 kq 483,806 qr-ı Dövlət Gömrük Komitəsi və 3 kq 723,43 qr-ı Dövlət Sərhəd Xidməti tərəfindən aşkar olunmuşdur.    

      Məhvetmə prosesi respublikada fəaliyyət göstərən bütün televiziya kanalları və digər kütləvi informasiya vasitələri tərəfindən işıqlandırılmışdır.

      Dövlət Komissiyasının İşçi qrupunun rəhbəri Məzahir Əliyev məhvetmə prosesinin sonunda mətbuat konfransı keçirmişdir.

05 aprel 2013-cü il tarixdə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının 2012-ci ilin yekunlarına həsr edilmiş iclası keçirilmişdir.

İclası Baş nazirin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri Əli Həsənov açaraq, 2012-ci il ərzində qanunsuz dövriyyədən Daxili İşlər Nazirliyi, Milli Təhlükəsizlik Nazirliyi, Dövlət Gömrük Komitəsi, Dövlət Sərhəd Xidməti və Ədliyyə Nazirliyi Penitensiar Xidməti tərəfindən 1 ton 370 kq 958,563 qr müxtəlif növ narkotik vasitələrin (638 kq 456,465 qr həşiş, 109 kq 756,073 qr heroin, 240 kq 421,039 qr tiryək, 312 kq 461,732 qr marixuana, 120,432 qr kokain, 89,42 qr metadon, 12 kq 615,1 qr metamfetamin, 7 kq 518 qr həb (15.420 həb əlavə olaraq) və 49 kq 520,302 qr digərləri) çıxarıldığını, Daxili İşlər Nazirliyi və Dövlət Sərhəd Xidməti tərəfindən 336 ton 480 kq yabanı halda bitən narkotik tərkibli bitkilərin yaşıl kütlə halında yığılaraq məhv edildiyini, o cümlədən narkomanlığın yayılmasına qarşı məqsədyönlü mübarizə aparıldığını bildirmişdir.

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası işçi qrupunun rəhbəri Məzahir Əliyev Azərbaycan Respublikası Prezidentinin müvafiq Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılması ilə mübarizə üzrə Proqram”dan irəli gələn vəzifələrin yerinə yetirilməsi, aparılan profilaktik tədbirlər barədə məruzə ilə çıxış etmişdir.  

İclasda Dini Qurumlarla İş üzrə Dövlət Komitəsinin sədri Elşad İskəndərov, təhsil nazirinin müavini Qulu Novruzov, gənclər və idman nazirinin müavini İntiqam Babayev, Milli Qeyri-Hökumət Təşkilatları Forumunun prezidenti Rauf Zeyni çıxış etmiş, yekunda görülən işlər və qarşıda duran vəzifələr barədə müzakirələr aparılmışdır.