Şagirdlər arasında növbəti maarifləndirmə tədbiri Yasamal rayonunda təşkil edildi.

   Cari ilin 14 dekabr tarixində Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun və Yasamal Rayon İcra Hakimiyyətinin birgə təşkilatçılığı ilə153 saylı tam orta məktəbdə  maarifləndirmə tədbiri keçirilmişdir.

   Tədbirdə,  Dövlət Komissiyasının daimi fəaliyyət göstərən İşçi Qrupunun, Yasamal Rayon İca Hakimiyyətinin, Daxili İşlər Nazirliyinin Baş Narkotiklərlə Mübarizə İdarəsinin və Səhiyyə Nazirliyinin Respublika Narkoloji Mərkəzinin məsul əməkdaşıları iştirak edərək mövzu ətrafında çıxış etmişlər.

    Məruzəçilər tədbir iştirakçılarına narkomaniyanın insanların həyat və sağlamlığına, mənəvi-əxlaqi dəyərlərə və sosial-iqtisadi inkişafa mənfi təsirləri, narkomaniyanın fəsadlarına qarşı mübarizənin hüquqi bazası və digər məsələlər barədə ətraflı məlumat verilib.

     Həmçinin narkotiklərlə bağlı cinayət hadisələrinin profilaktikasından, eyni zamanda iştirakçılara narkotiklərin insan orqanizminə məhvedici təsiri və törətdiyi sosial bəlalar, QİÇS və bir sıra başqa qorxunc xəstəliklərin yayılmasının qarşısının alınması barədə ətraflı məlumatlar verilmişdir. O cümlədən asudə vaxtın səmərəli təşkilinin, idman, incəsənət və ictimai faydalı əməklə məşğul olmanın vacibliyi xüsusilə vurğulanmışdır.

      Bununla yanaşı, tədbir iştirakçılarını maraqlandıran suallar ətrafında geniş diskussiyalar aparılmışdır.

     Eyni zamanda Dövlət Komissiyasının İşçi Qrupu tərəfindən hazırlanmış zəruri təbliğat materialları iştirakçılar arasında paylanılıb.




Baxılıb: 657