Maarifəldirmə tədbirlərinin əhatəsi genişləndirilməkdədir.

  Profilaktik tədbirlərin təsirliyinin və əhatə dairəsinin daha da genişləndirilməsiistiqamətində maarifləndirici materialların hazırlanmasının və yayılmasının təşkili məqsədi ilə Dövlət Komissiyasının daimi fəaliyyət göstərən İşçi Qrupu tərəfindən üzərində maarifləndirici şüarlar və xüsusi xəbərdaredici mətnlər əks olunan yeni sosial lövhələrin yayımlanması davam etdirilir.

  Bununla əlaqədar  Bakı Şəhəri üzrə Təhsil İdarəsi və Penitensiar Xidməti ilə əməkdaşlıq çərçivəsində cəzaçəkmə müəssisələrində, yetkinlik yaşına çatmayanlar üçün Tərbiyyə müəssisəsində 15 lövhənin, həmçinin Bakı şəhəri üzrə tam orta məktəblərdə isə 35 lövhənin yerləşdirilməsi təmin edilmişdir.

  Eyni zamanda sağlam həyat tərzinin təbliği və narkomanlığın zərəri ilə bağlı sosial maarifləndirmə işinin daha da genişləndirilməsi məqsədi ilə narkomanların xüsusilə geniş yayıldığı şəhər və rayonların mövcud küçə və prospektlərdə, təhsil müəssisələrinin yaxınlığında, vətəndaşların, o cümlədən yeniyetmə və gənclərin daha intensiv hərəkətdə olduğu ərazilərdə yuxarıda sözügedən sosial lövhələr yerləşdirilmiş, həmçinin zəruri təbliğat materialları və Metodik Tövsiyələrə dair kitabçalar göndərilmişdir (elektron formada diskə əlavə edilərək).

  Beləliklə, 2022-ci il və cari ilin ötən dövrü ərzində cəzaçəkmə müəssisələrində 33 ədəd, Bakı şəhəri üzrə təhsil müəssisələrində 81 ədəd, metro stasiyalarında 45 ədəd, müvafiq şəhər/rayonlarda isə 20 ədəd sosial lövhə quraşdırılmışdır.

 




Baxılıb: 454