Azərbaycan Respublikası Prezidentinin 2013-cü il 24 iyun tarixli, 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqram”ından irəli gələn vəzifələrin yerinə yetirilməsi məqsədilə 21 oktyabr 2014-cü il tarixində Heydər Əliyev Mərkəzində narkomanlığın yayılmasının qarşısının alınması sahasində  maarifləndirici tədbir  keçirilmişdir.

  Tədbir zamanı rayon məktəbliləri arasında “Narkotiklərə yox deyək” mövzusunda rəsm müsabiqəsi təşkil edilmiş, eyni zamanda maarifləndirici qısametrajlı film nümayiş işıqlandırılmıışdır.

  Tədbirdə Narkomanlığa  və Narkotik Vasitələrin Qanunsuz Dövriyyəsinə  Qarşı Mübarizə üzrə Dövlət Komissiyasının işçi qrupunun əməkdaşları və digər aidiyyəti qurumların nümayəndələri iştirak etmişlər.

  Dövlət Komissiyasının işçi qrupu tərəfindən hazırlanmış əyani vəsaitlər (bukletlər və “Narkotiklər haqqında həqiqəti bilin” adlı yaddaş kitabçaları) tədbir iştirakçılarına paylanılmışdır.