Azərbaycan Respublikası Prezidentinin 2013-cü il 24 iyun tarixli, 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair  2013-2018-ci illər üçün Dövlət Proqramı”ndan irəli gələn vəzifələrin icrası ilə əlaqədar 23 may 2015-ci il tarixdə Bakı şəhəri Nizami rayonu 251 saylı tam orta məktəbdə  tədbir keçirilmişdir.

  Tədbirin rəsmi hissəsindən sonra məktəblilər tərəfindən hazırlanmış narkomaniyanın törətdiyi fəasdlar barədə qısa pantamimo teatrı, rəsm sərgisi, həmçinin Bakı Teatrnın səhnələşdirdiyi “Həyatla oyun” adlı tamaşa iştirakçılara nümayiş olunmuşdur.

 Tədbirdə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupunun əməkdaşları, rayon komissiyasının sədri, üzvləri, digər aidiyyəti qurumların  nümayəndələri, çoxsaylı müəllimlər və şagirdlər iştirak etmişlər.

  Həmçinin Dövlət Komissiyasının İşçi qrupu tərəfindən hazırlanmış  əyani vəsaitlər (“Gələcəyimizi birlikdə düşünək, narkomaniyaya yox deyək”, “Sağlam ailə naminə narkotiklərə yox deyək”, “Sağlam həyat naminə narkotikdən uzaq duraq”, “Narkomaniya sakit ölümdür” adlı bukletlər və xəbərdarlıq vərəqələri) iştirakçılara paylanılmışdır.