Azərbaycan Respublikası Prezidentinin 2019-cu il 22 iyul tarixli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın icrası ilə əlaqədar Yeni Azərbaycan Partiyası Mərkəzi Aparatının, “Azərbaycan Televiziyası və Radio Verilişləri” Qapalı Səhmdar Cəmiyyətinin  və Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun 2023-cü il üçün birgə Tədbirlər Planı çərçivəsində bir sıra idman növü üzrə yarışların, mədəni-kütləvi konsert proqramlarının təşkili nəzərdə tutulur.

  Tədbirlər Planına uyğun olaraq fevralın 5-də Dənizkənarı Milli Parkda konsert proqramı keçirilib. “Heydər Əliyev İli” çərçivəsində təşkil olunan konsert proqramında tanınmış gənc ifaçılar çıxış ediblər. 

 Konsert proqramının təşkil olunmasında məqsəd yeniyetmə və gənclər arasında milli-mənəvi dəyərləri təbliğ etmək, sağlam və narkomaniyadan uzaq gəncliyin formalaşmasına töhfə verməkdir.

  Dövlət Proqramının həyata keçirilməsi üzrə Tədbirlər Planının 4.4.30-cuyarımbəndinin icrası məqsədilə Dövlət Komissiyasının daimi fəaliyyət göstərən İşçi Qrupunun dəstəyi ilə sağlam həyat tərzinin təbliği və narkomanlığın zərəri ilə bağlı Azərbaycan Dövlət İnformasiya Agentliyinin əməkdaşı olmaqla yanaşı həm də müvafiq sahə üzrə tanınmış və geniş izləyici kütləsi olan videobloger Nail Kəmərli tərəfindən “Həyat deyəsən davam edir” adlı çoxseriyalı filmin ilk seriyası hazırlanmışdır.

 Əsasən maarifləndirmə funksiyasını yerinə yetirən və real həyat hadisələrini özündə əks etdirən filmin daha da təsirli və effektiv olması üçün iştirak edən aktyorların yalnız biri peşəkar olmaqla digərləri keçmiş narkotik istifadəçiləri, reabilitasiya kursu keçmiş və narkotiklərdən imtina etmiş şəxslər, eləcə də narkotik asılılıqdan əziyyət çəkən ailələrin üzvləridir. Eyni zamanda filmin sosial şəbəkələr üzərindən yayımlanması nəzərdə tutulur.

  Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu ilə Bakı Şəhəri üzrə Təhsil İdarəsi ilə birgə imzalanmış Tədbirlər Planın müvafiq bəndinin icra edilməsi məqsədilə Nəsimi rayonunun ümumtəhsil məktəblərinin təlim-tərbiyə işləri üzrə direktor müavinləri, sinif rəhbərləri və məktəb psixoloqlarına narkomanlıq probleminə dair treninq keçirilib.

 Treninqdə Dövlət Komissiyasının daimi fəaliyyət göstərən İşçi Qrupunun məsul əməkdaşı iştirak edərək təqdimat əsasında narkotik asılılığın yaranma səbəbləri, narkotik maddələrdən psixi və fiziki asılılıq, davranışlarda baş verən dəyişikliklər, narkomaniyaya qarşı mübarizədə pedaqoqun və fənn müəlliminin, psixoloqların bu problemə dair qabaqlayıcı tədbirlərin görülməsi və digər məsələlər barədə geniş məlumat verib.

 Sonda, Dövlət Komissiyasının daimi fəaliyyət göstərən işçi qrupu tərəfindən hazırlanan narkotik vasitələrdən və psixotrop maddələrdən sui-istifadə edən şəxslərin müəyyənləşdirilməsinə kömək üçün metodik tövsiyələrə dair kitabça və digər zəruri məlumatları özündə əks etdirən çap matiralları təqdim edilib.

   Yeni Azərbaycan Partiyasının Mərkəzi Aparatı, “Azərbaycan Televiziya və Radio Verilişləri” Qapalı Səhmdar Cəmiyyəti və Dövlət Komissiyasının daimi fəaliyyət göstərən İşçi Qrupu arasında 2022-ci ilə dair imzalanmış Tədbirlər Planına əsasən narkomanlıqla mübarizə sahəsində maarifləndirmə tədbirlərinin aparılması məqsədilə təlimçilərin hazırlanması, fləşmobların, müxtəlif həştaqlarla sosial aksiyaların, müxtəlif idman növləri üzrə turnirlərin və yarışların, mədəni-kütləvi tədbirlərin, mövzuya dair dəyirmi masaların, rəsm sərgilərinin keçirilməsi və tədbirlərin televiziyada işıqlandırılması təmin edilmiş və hesabat dövründə ümumilikdə birgə 18 tədbir həyata keçirilmişdir.

   Görülən işlərin davamlılığının təmin edilməsi, gənclər arasında antinarkotik təbliğat işinin daha da gücləndirilməsi, maarifləndirmə tədbirlərinin sistemli və əlaqəli şəkildə gerçəkləşdirilməsi məqsədilə Yeni Azərbaycan Partiyasının Mərkəzi Aparatı, “Azərbaycan Televiziyası və Radio Verilişləri” Qapalı Səhmdar Cəmiyyəti və Dövlət Komissiyasının daimi fəaliyyət göstərən İşçi Qrupu arasında 2023-ci il üçün də birgə Tədbirlər Planı təsdiq edilmişdir.

   Tədbirlər Planı çərçivəsində  “Narkotiklərə sən də yox de” devizli sosial çarxların hazırlanması, respublikanın şəhər və rayonlarında interaktiv təlimlərin, mövzuya dair dəyirmi masaların keçirilməsi, “Sağlam gənclik naminə ağ ölümə yox deyək!” devizli marafonun, “Narkotiklərə yox de, bizimlə birlikdə ol!” velosiped idman növü üzrə yarışların, regionlarda mədəni-kütləvi konsert proqramlarının təşkili və qeyd olunan tədbirlərin televiziyada işıqlandırılması nəzərdə tutulur.

 Cari ilin 26 yanvar tarixində  Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu ilə Bakı Şəhəri üzrə Təhsil İdarəsi ilə birgə imzalanmış Tədbirlər Planın müvafiq bəndinin icra edilməsi məqsədilə Xətai rayonunun ümumtəhsil məktəblərinin təlim-tərbiyə işləri üzrə direktor müavinləri, sinif rəhbərləri və məktəb psixoloqlarına narkomanlıq probleminə dair treninq keçirilib.

 Treninqdə Dövlət Komissiyasının daimi fəaliyyət göstərən İşçi Qrupunun məsul əməkdaşı iştirak edərək təqdimat əsasında narkotik asılılığın yaranma səbəbləri, narkotik maddələrdən psixi və fiziki asılılıq, davranışlarda baş verən dəyişikliklər, narkomaniyaya qarşı mübarizədə pedaqoqun və fənn müəlliminin, psixoloqların bu problemə dair qabaqlayıcı tədbirlərin görülməsi və digər məsələlər barədə geniş məlumat verib.

 Sonda, Dövlət Komissiyasının daimi fəaliyyət göstərən işçi qrupu tərəfindən hazırlanan narkotik vasitələrdən və psixotrop maddələrdən sui-istifadə edən şəxslərin müəyyənləşdirilməsinə kömək üçün metodik tövsiyələrə dair kitabça və digər zəruri məlumatları özündə əks etdirən çap matiralları təqdim edilib

    Cari ilin 25 yanvar tarixində  Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu ilə Bakı Şəhəri üzrə Təhsil İdarəsi ilə birgə imzalanmış Tədbirlər Planın müvafiq bəndinin icra edilməsi məqsədilə Nizami rayonunun ümumtəhsil məktəblərinin təlim-tərbiyə işləri üzrə direktor müavinləri, sinif rəhbərləri və məktəb psixoloqlarına narkomanlıq probleminə dair treninq keçirilib.

  Treninqdə Dövlət Komissiyasının daimi fəaliyyət göstərən İşçi Qrupunun məsul əməkdaşı iştirak edərək təqdimat əsasında narkotik asılılığın yaranma səbəbləri, narkotik maddələrdən psixi və fiziki asılılıq, davranışlarda baş verən dəyişikliklər, narkomaniyaya qarşı mübarizədə pedaqoqun və fənn müəlliminin, psixoloqların bu problemə dair qabaqlayıcı tədbirlərin görülməsi və digər məsələlər barədə geniş məlumat verib.

  Sonda, Dövlət Komissiyasının daimi fəaliyyət göstərən işçi qrupu tərəfindən hazırlanan narkotik vasitələrdən və psixotrop maddələrdən sui-istifadə edən şəxslərin müəyyənləşdirilməsinə kömək üçün metodik tövsiyələrə dair kitabça və digər zəruri məlumatları özündə əks etdirən çap matiralları təqdim edilib.

  “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”na müvafiq olaraq, cəzaçəkmə müəssisələrində anti-narkotik təbliğat işinin daha da gücləndirilməsi məqsədilə Ədliyyə Nazirliyi Penitensiar Xidməti ilə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu arasında 2023-cü il üçün birgə tədbirlər planı imzalanıb.

   Tədbirlər Planı çərçivəsində Penitensiar xidmətin əməkdaşları üçün müvafiq mövzuda təlimlərin keçirilməsi,cəza çəkən şəxslər arasında narkotiklərin insan orqanizminə məhvedici təsiri, cəmiyyətə və insanların sağlamlığına ziyanı, QİÇS  və digər viruslara yoluxma barədə tibbi-gigiyena, təbliğat və maarifləndirmə işlərinin aparılması, məhkumların reabilitasiyası və cəmiyyətə reinteqrasiyası üçün onlara izahların verilməsi, o cümlədən mövzuya dair videofilmlərin nümayişi və zəruri təbliğat  materiallarının təqdim olunması nəzərdə tutulmuşdur.

 2022-ci il in yanvar-dekabr aylarında 802 qaynar xətt telefon zəng xidmətinə 2172 vətəndaş müraciəti daxil olub. Onların 272-si narkotik vasitələrin qanunsuz dövriyyəsi, 821-i narkotik asılılıqdan müalicə, 1079-u isə digər məsələlərlə (təkrar müraciət, qanunvericiliyin müddəalarının izahı, məcburi müalicəyə dair prosedurlar və s.) bağlı olub.

 Qeyd olunan müraciətlər üzrə müvafiq tədbirlərin görülməsi üçün operativ şəkildə aidiyyəti orqanlara 1096 məktub ünvanlanıb. Nəticə olaraq 821 nəfər narkotik asılılıqdan müalicə ilə əlaqədar ixtisaslaşmış tibb müəssisələrinə yönləndirilib, narkotik vasitələrin qanunsuz dövriyyəsi ilə əlaqədar vətəndaşlar tərəfindən verilən məlumat əsasında 178 fakt üzrə cinayət işi açılıb, 56 məlumat üzrə keçirilmiş tədbirlər nəticəsində fakt təsdiqini tapmayıb, 18 müraciət istiqamətində hazırda əməliyyat tədbirləri davam etdirilir.

  Eyni zamanda, ötən ilin müvafiq dövrü ilə müqayisədə qaynar xətt zəng xidmətinə 1042-dən çox müraciət daxil olub. Onlardan 71-i narkotik vasitələrin qanunsuz dövriyyəsi, 562-si könüllü müalicə, 509-u isə şifahi xarakterli müraciətlər ilə bağlı olub.

  “802 qaynar xətt” zəng xidmətinə müraciət edən narkotik asılılıqdan əziyyət çəkən ailələrə psixoloji dəstək və mövcud qanunvericiliyin müddəaları izah edilərək zəruri tövsiyələr verilib.

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun təşkilatçılığı və iştirakı ilə ötən ilin dekabr ayı ərzində aidiyyəti qurumlar ilə birlikdə aşağıdakı tədbirlər həyata keçirilmişdir:

• Yeni Azərbaycan Partiyası Mərkəzi Aparatının, Dövlət Komissiyasının İşçi Qrupunun və “Azərbaycan Televiziyası və Radio Verilişləri” Qapalı Səhmdar Cəmiyyətinin 2022-ci ilə dair imzalanmış birgə Tədbirlər Planına uyğun olaraq YAP Mərkəzi Aparatının və partiyanın Qaradağ və Pirallahı rayon təşkilatlarının birgə təşəbbüsü ilə “Narkomaniya – cəmiyyətin mənəvi və əxlaqi dəyərlərinə zərbə vuran təhlükə mənbəyidir” və “Gələcəyimizi ağ ölümdən xilas edək!” mövzusunda maarifləndirici tədbirlər keçirilib;
• Eyni zamanda YAP Mərkəzi Aparatının və  Xətai rayon təşkilatının təşkilatçılığı ilə “Narkomaniyaya yox deyək!” mövzusunda sərgi təşkil edilmidir. Tədbirin sonunda rəsm əsərlərinin müəllifi olan məktəblilərə sertifikatlar təqdim edilmiş;
• Təbliğat və maarifləndirmə işlərinin daha da gücləndirilməsi, davamlılığının təmin edilməsi, həyata keçirilən tədbirlərin qiymətləndirilməsinin icra vəziyyətinin öyrənilməsi məqsədi ilə Qazax və Gədəbəy rayonlarında fəaliyyət göstərən komissiya üzvləri ilə görüş təşkil olunmuş, həmçinin Gənclərin İnkişaf və Karyera Mərkəzinin Qazax və Gədəbəy nümayəndəliklərində təlim keçirilmiş;
• Şirvan, Lənkəran və Salyan şəhər/rayon icra hakimiyyətləri ilə birgə “Narkomanlığa qarşı mübarizə hər kəsin vətəndaşlıq borcudur”, “Gələcəyimizi narkomaniyadan xilas edək!” və “Gələcəyimi mən özüm seçirəm” mövzularında  maarifləndirmə tədbirləri keçirilmiş;
• Müdafiə Nazirliyinin Təlim və Tədris Mərkəzində qoşun növü, birlik, birləşmə, hissə və xüsusi təyinatlı təhsil müəssisələrinin ideoloji iş və mənəvi-psixoloji təminat üzrə şöbə və bölmə rəisləri, hərbi hissələrin qərargah rəislərinin köməkçiləri və psixoloqları ilə keçirilən təlim-metodiki toplantıda “Psixoaktiv maddələrdən istifadənin risq amilləri” mövzusunda seminar təşkil edilmiş;
• Müdafiə Nazirliyinin 2 N saylı hərbi hissəsində aidiyyəti qurumların nümayəndələrinin iştirakı ilə  maarifləndirmə tədbirləri keçirilmiş;
• “Yeniyetmələr və gənclər arasında narkomaniyaya qarşı təbliğat və maarifləndirmə işlərinin genişləndirilməsinə dair 2022-2023-cü illəri əhatə edən Tədbirlər Planı”nın icrası ilə bağlı Mədəniyyət Nazirliyinin və Dövlət Komissiyasının İşçi Qrupunun birgə təşkilatçılığı ilə Mədəniyyət Nazirliyinin Sumqayıt Regional Mədəniyyət İdarəsinə tabeli müəssisələrinin mütəxəssisləri üçün təlim təşkil edilmiş;
• Səbail rayon İcra Hakimiyyəti ilə birgə  Azərbaycan Dövlət Pedaqoji Universitetində, Abşeron rayon İcra Hakimiyyəti ilə birgə 7 saylı tam orta məktəbdə, Sabunçu rayon İcra Hakimiyyəti ilə birgə 112 saylı tam orta məktəbdə, Turizm və Menecment Universitetinin tələbələri,Zəngilan rayon İcra Hakimiyyəti ilə birgə 9 və 36 nömrəli məktəbin şagirdləri üçün maarifləndirmə tədbirləri keçirilmiş;
• Dövlət Proqramı”nın 4.4.23-cü və 4.4.24-cü bəndlərinə əsasən Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası, Ailə, Qadın və Uşaq Problemləri üzrə Dövlət Komitəsinin birgə təşkilatçılığı çərçivəsində qeyri-hökumət təşkilatlarının əməkdaşlarına təlim keçirilib;
• Gənclər arasında narkomaniya və narkomanlığa qarşı təbliğat işlərini gücləndirmək, gənclərin qarşılaşa biləcəkləri risklər barədə onları məlumatlandırmaq, onları bu bəladan müdafiə etmək və sağlam həyata motivasiyalarını daha da gücləndirmək məqsədilə “Gələcəyini düzgün qur” şüarı altında “Sabunçu Gənclər Evi”ndə forum təşkil edilmiş;
•  “Gənclərin Anti-Narkomaniya” ictimai birliyi İşçi Qrupu ilə birlikdə Bakı Biznes və Kooperasiya Kollecində  “Narkotikə yox deyək” mövzusunda maarifləndirici tədbir keçirilmiş;
• “Miqrasiya Sahəsinin İnkşafı”  İctimai Birliyi İşçi Qrupu ilə birlikdə  Odlar Yurdu Universitetində və Abşeron rayon 7 saylı tam orta məktəbdə “Narkomaniya və zərərli vərdişlərə qarşı mübarizə”  mövzusunda tədbir təşkil olunmuş;
• Dövlət Komissiyasının İşçi Qrupu tərəfindən dekabr ayında “Narkotiklər Haqqında Həqiqəti Bilin”, “Marixuana Haqqında Həqiqət” və “Psixotroplar maddələr haqqında həqiqət” adlı yeni üslubda hazırlanmış zəruri əyani təbliğat materialları təşkil edilən bütün təlim, dəyirmi masa və tədbirlərdə paylanılmış;
• Keçirilən silsilə tədbirlərin “Azərbaycan Televiziya və Radio Verlişləri” QSC, Azərbaycan Dövlət İnformasiya Agentliyi –(AZƏRTAC) və digərkütləvi informasiya vasitələrində, o cümlədən Dövlət Komissiyasının rəsmi www.nmdk.gov.az internet səhifəsində və sosial şəbəkələrdə geniş işıqlandırılması təmin edilmişdir.

      Beləliklə,ötən ilin dekabr ayı ərzində ümumilikdə 24 tədbir, 18 maarifləndirmə tədbiri, şəhər/rayon komissiyaları ilə  2 dəyirmi masa, GİKM-nin şəhər və rayonlarında fəaliyyət göstərən nümayəndəliklərində 2 təlim, 1 mədəniyyət müəssisələrinin mütəxəssisləri üçün və 1 qeyri-hökumət təşkilatlarının əməkdaşlarına təlim təşkil edilmişdir.

  Müdafiə Nazirliyinin Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin təşkilatçılığı ilə Azərbaycan Ordusunun Təlim və Tədris Mərkəzində qoşun növü, birlik, birləşmə, hissə və xüsusi təyinatlı təhsil müəssisələrinin ideoloji iş və mənəvi-psixoloji təminat (İİ və MPT) üzrə şöbə və bölmə (aidiyyəti kafedra və silsilə) rəisləri, hərbi hissələrin qərargah rəislərinin İİ və MPT üzrə köməkçiləri və psixoloqları ilə keçirilən təlim-metodiki toplantıda Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun sektor müdiri “Psixoaktiv maddələrdən istifadənin risq amilləri” mövzusunda təqdimatla çıxış etmişdir.

  Eyni zamanda, iştirakçılara Dövlət Komissiyasının daimi fəaliyyət göstərən  İşçi Qrupu tərəfindən hazırlanmış “Narkotik vasitələrdən və psixotrop maddələrdən sui-istifadə edən şəxslərin müəyyənləşdirilməsinə kömək üçün metodik tövsiyələr” adlı kitabça təqdim olunub.

2022-ci ilin yanvar-noyabr ayları

 Dekabrın 20-də Azərbaycan Milli Antidopinq Agentliyi (AMADA) idmanda narkotik vasitələrlə və steroidlə mübarizəyə həsr olunmuş “Narkotiksiz sağlam həyat, steroidsiz təmiz idman” mövzusunda tədbir keçirib.

 Tədbirdə AMADA ilə yanaşı, Gənclər və İdman Nazirliyinin, Daxili İşlər Nazirliyinin (DİN), Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının, Dövlət Gömrük Komitəsinin və Səhiyyə Nazirliyinin nümayəndələri də iştirak ediblər.

Tədbirdə əvvəlcə AMADA-nın hazırladığı narkotik asılılığı olan şəxslərdən alınan müsahibələrdən ibarət videoçarx nümayiş olunub.

 AMADA-nın direktoru Şəfəq Hüseynli tədbirdə çıxış edərək həm narkotik, həm də steroid probleminin aktuallığını vurğulayıb, Agentliyin bu sahədə gördüyü işlərlə bağlı məlumat verib.

 Bildirib ki, Azərbaycan Prezidentinin 2020-ci il 22 dekabr tarixli Sərəncamı ilə AMADA-nın “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”nın icraçı qurumları siyahısına əlavə edilməsindən sonra bu istiqamətdə fəaliyyət daha da genişləndirilib. Təkcə bu il antinarkotik təbliğatı və maarifləndirmə məqsədilə idman federasiyaları, idmançılar və onların köməkçi heyəti üçün 174 maarifləndirmə seminarı keçirilib. Maarifləndirmə tədbirləri paytaxtla yanaşı, regionları da əhatə edib. Belə ki, Gənclər və İdman Nazirliyi və Elm və Təhsil nazirliyi ilə əməkdaşlıq çərçivəsində Yardımlı, Lerik, Cəlilabad, Masallı, Lənkəran, Astara, Gəncə, Şəmkir, Tovuz, Göygöl, Yevlax və Goranboy rayonlarında silsilə maarifləndirmə seminarları keçirilib. Hansı ki, bu tədbirlərdə 1300-dən artıq idmançı, məşqçi, həkim, və idman müəllimləri iştirak ediblər.

 Ş.Hüseynli bildirib ki, idmanda narkotik vasitələrdən və steroidlərdən istifadə dünyada da aktual problemdir. Belə ki, 2017-2022-ci illər ərzində qeydə alınan bütün dopinq istifadələrinin 63 faizi steroidlər və narkotiklərin istifadəsi ilə bağlıdır.

 Problemin Azərbaycan üçün nə qədər aktual olduğunu AMADA-nın fəaliyyəti dövründə aşkarladığı antidopinq qayda pozuntularının statistikası da göstərir. Belə ki, ölkədə aşkarlanan antidopinq qayda pozuntularının 43 faizi steroidlərin istifadəsi, 13 faizi isə narkotiklərin istifadəsi ilə bağlıdır.

 AMADA-nın direktoru Azərbaycanda bu sahədə vəziyyəti ətraflı təhlil etmək məqsədilə Agentlik tərəfindən genişmiqyaslı tədqiqat layihələrinin icra edildiyini vurğulayıb. Daha bir layihə isə bu il noyabrın 7-20-də keçirilib. “Narkotik vasitələrin, psixotrop maddələrin və onların prekursorlarının istifadəsinin asılılığı olan şəxslər arasında yayılmasının səviyyəsini və buna münasibətin təhlili üzrə Sorğu” layihəsi Respublika Narkoloji Mərkəzdə müalicə alan asılılığı olan 195 şəxsin iştirakı ilə təşkil olunub.

 Layihənin nəticələri barədə geniş təqdimatla çıxış edən Ş.Hüseynli bildirib ki, həmin nəticələr bu istiqamətdə fəaliyyəti daha da təkmilləşdirməyə, xüsusən maarifləndirmə tədbirlərində prioritetləri müəyyənləşdirməyə və narkotiklə mübarizə işini daha səmərəli təşkil etməyə imkan verir.

 Daha sonra tədbirdə Səhiyyə Nazirliyi Respublika Narkoloji Mərkəzinin baş direktoru Orxan Cəfərov, Gənclər və İdman Nazirliyinin idman şöbəsinin seleksiya üzrə baş mütəxəssisi Selcan Qafarova, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun rəhbər müavini Tanrıverdi Aydınov, Daxili İşlər Nazirliyinin Baş Narkotiklərlə Mübarizə İdarəsinin nümayəndəsi Nadir Məmmədov və Dövlət Gömrük Komitəsinin Hüquqpozmalara qarşı mübarizə şöbəsinin rəisi Toğrul Şahbazov çıxış ediblər.

 Sonda isə mövzu ilə bağlı jurnalistlərin sualları cavablandırılıb.