2 fevral 2016-cı il tarixdə Dövlət Dəmir Yolu Liseyinin təşəbbüsü ilə Gənc Tamaşaçılar teatrında təşkil edilmiş tədbirin rəsmi hissəsində Narkomanlığa və Narkotik Vasitələrin Qanunsuz dövriyyəsinə Mübarizə üzrə Dövlət Komissiyasının İşçi qrupunun əməkdaşları, Dövlət Dəmir Yolu Liseyinin rəhbərliyi və müəllim heyəti tərəfindən “Gənclər günü” mövzusunda keçirilən şahmat, dama, voleybol, yarışları və “xəmsə” bilik müsabiqəsində fərqlənmiş iştirakçılara mükafatlar təqdim edildi.

  Tədbirin bədii hissəsində Gənc Tamaşaçılar teatrının peşəkar aktyorları tərəfindən Narkomaniyanın insan sağlamlığına ziyanı və törətdiyi sosial bəlaları göstərmək, gəncləri və yeniyetmələri bu yoldan çəkindirmək məqsədilə hazırlanmış “Ağ ölüm” tamaşası nümayiş olunmuş və iştirakçılar tərəfindən böyük maraqla izlənilmişdir.

 Həmçinin, Dövlət Komissiyasının İşçi qrupu tərəfindən hazırlanmış  əyani vəsaitlər “Gələcəyimizi birlikdə düşünək, narkomaniyaya yox deyək”, “Sağlam ailə naminə narkotiklərə yox deyək”, “Sağlam həyat naminə narkotikdən uzaq duraq”, “Narkomaniya sakit ölümdür” adlı bukletlər və xəbərdarlıq vərəqələri iştirakçılara paylanılmışdır.

 Tədbir Azərbaycan Dövlət televiziyası və digər kütləvi informasiya vasitələri tərəfindən işıqlandırılmışdır.