“Covid-19 pandemiyası dövründə gənclər arasında narkomanlığa qarşı mübarizənin gücləndirilməsi” mövzusunda onlayn seminar-müşavirələr davam etdirilir.

       2021-ci ilin 23 fevral və 02 mart tarixlərində «Azərbaycan Gəncliyi 2017-2021-ci illərdə Dövlət Proqramı»nın və “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın müvafiq bəndlərinin icrasını təmin etmək məqsədilə Gənclər və İdman Nazirliyinin təşkilatçılığı ilə Gəncə-Qazax, Abşeron və Dağlıq Şirvan zonaları üzrə “Covid-19 pandemiyası dövründə gənclərar asında narkomanlığa qarşı mübarizənin gücləndirilməsi” mövzusunda onlayn seminar-müşavirələr keçirilmişdir.

      Tədbirlərdə Azərbaycan Respublikası Gənclər və İdman nazirinin müavini İntiqam Babayev, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun rəhbər muavini Tanrıverdi Aydınov, Daxili İşlər Nazirliyinin Baş Narkotiklərlə Mübarizə İdarəsinin şöbə rəisi Ədalət Vəliyev, Səhiyyə Nazirliyi İctimai Səhiyyə və İslahatlar Mərkəzinin şöbə müdirinin müavini Ülkər Camalova çıxış edərək gəncləri bu sahədə məlumatlandırmışdırlar.

       Gəncə-Qazax zonası (Gəncə, Qazax Ağstafa, Tovuz, Şəmkir, Gədəbəy, Daşkəsən, Samux, Göygöl, Goranboy, Naftalan), Abşeron və Dağlıq Şirvan zonası (Abşeron, Xızı, Sumqayıt, Qobustan, Ağsu, Şamaxı, Göyçay) üzrə gənclər və idman idarələrinin rəisləri və fəal gənclər iştirak etmiş, mövzu ətrafında  bu istiqamətdə görülmüş işlər haqqında məlumat və təklifləri səsləndirilmişdir.




Baxılıb: 814