“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2025–2030-cu illər üçün Dövlət Proqramı”nın həyata keçirilməsi üzrə Tədbirlər Planının 8.4.13-cü yarımbəndinin icrasının təmin edilməsi məqsədilə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun təşkilatçılığı ilə Ədliyyə Nazirliyi Məhkəmə Ekspertizası Mərkəzində Qeyri-hökumət təşkilatının rəhbərlər və nümayəndələri üçün məlumatlandırıcı görüş təşkil olunub. 

Görüş zamanı narkotik vasitələr və psixotrop maddələr üzrə təyin edilən ekspertizaların aparılması qaydaları, bu sahədə mövcud normativ tələblər, eləcə də müvafiq ekspertiza proseslərinin mahiyyəti barədə ətraflı məlumat verilib. Qeyri-hökumət təşkilatlarının nümayəndələrinin mövzu ilə bağlı sualları cavablandırılıb və əməkdaşlığın gücləndirilməsi istiqamətində fikir mübadiləsi aparılıb.