“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Tədbirlər Planının icrası ilə əlaqədar maarifləndirmə tədbirlərinin effektliyinin artırılması və görülən işlərin davamlılığının təmin olunması, narkotik və psixotrop maddələr haqqında məlumatlılığın artırılması məqəsdi ilə Dövlət Komissiyasının İşçi Qrupunun təşkilatçılığı carı ilin dekabr ayının 19-da Cəlilabad rayonunda "Narkomanlığın mahiyyəti, doğurduğu fəsadlar və onunla mübarizə" mövzusunda maarifləndirmə tədbiri keçirilmişdir.

  Tədbirdə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası İşçi Qrupunun əməkdaşları və  Narkomanlığa və narkotik vasitələrin qanunsuz dövriyyəsinə qarşı mübarizə üzrə rayon komissiyalarının üzvləri, psixoloqlar, müəllim və yeniyetmələr iştirak etmişdirlər. Tədbirlərdə  çıxış edənlər narkotik vasitələrin, psixotrop maddələrin insan orqanizminə zərərli təsirini qeyd edərək, bu bəlaya qarşı mübarizənin zəruriliyindən, o cümlədən maarifləndirmə tədbirlərinin genişləndirilməsinin əhəmiyyətindən danışmış, iştirakçıları maraqlandıran suallar ətrafında geniş diskussiyalar aparılmışdır.

  Tədbir çərçivəsində Dövlət Komissiyasının İşçi Qrupu tərəfindən hazırlanmış zəruri təbliğat materialları iştirakçılara paylanılmışdır.

   2018-ci il 18 dekabr tarixdə Nazirlər Kabinetində Narkotiklərlə Mübarizə üzrə 36-cı Beynəlxalq Konfransın 2019-cu ildə Bakı şəhərində keçirilməsi ilə əlaqədar yaradılmış Təşkilat Komitəsinin növbəti hazırlıq iclası keçirildi.

   Tədbirdə Təşkilat Komitəsinin üzvləri, ABŞ-ın ölkəmizdəki müvəqqəti işlər üzrə vəkili cənab Vilyam Gill, ABŞ-ın Ədliyyə Nazirliyi nəzdində Narkotiklərlə Mübarizə üzrə Administrasiyasının Orta Asiya üzrə Regional direktoru Vilyam Varen, Narkotiklərlə Mübarizə Administrasiyasının Ankara ofisinin nümayəndələri və digər rəsmi şəxslər iştirak edirdi.

   İclasda Narkotiklərlə Mübarizə üzrə 36-cı Beynəlxalq Konfransın 2019-cu ildə Bakıda keçirilməsi ilə əlaqədar Təşkilat Komitəsinin yaradılması haqqında Azərbaycan Respublikası Prezidentinin Sərəncamından irəli gələn məsələlər və qarşıya qoyulan vəzifələr müzakirə edilib.

   İclası giriş nitqi ilə açan Baş nazirin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının və Təşkilat Komitəsinin sədri cənab Əli Həsənov Təşkilat Komitəsinin yaradılması haqqında Azərbaycan Respublikası Prezidentinin Sərəncamının icrası ilə əlaqədar Nazirlər Kabinetinin müvafiq Sərəncam ilə  işçi qrup yaradılmış və tədbirlər planı təsdiq edildiyini və bununla əlaqədar artıq cavabdeh strukturlar tərəfindən zəruri addımların atıldığını vurğuladı. O cümlədən Azərbaycanda keçirilən bütün tədbirlərin həm təhlükəsizlik tələblərinə, həm də təşkilati tələblərə cavab verdiyini, Narkotiklərlə Mübarizə üzrə 36-cı Beynəlxalq Konfransın da yüksək səviyyədə keçiriləcəyini qeyd edib.

    Cənab Əli Həsənov öz cıxışında bildirmişdir ki, ölkəmiz BMT-nin beynəlxalq konvensiyalarına qoşulmuş, narkotiklərin qanunsuz dövriyyəsinə və narkomanlığa qarşı mübarizə sahəsində dövlətin strateji kursunun əsasları müəyyən edilmiş və bu tədbirlərin nəticəsi olaraq ölkəmizdə narkotiklərin qanunsuz dövriyyəsinə və narkomanlığa qarşı mübarizə sahəsində təşkilati-hüquqi, institusional və digər tədbirlər həyata keçirilmiş, , bundan əlavə narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizə sahəsini tənzimləyən hüquqi baza yaradılmış, təkmilləşdirilmiş, onun beynəlxalq standartlara uyğunlaşdırılması istiqamətində xeyli iş görülmüş, bununla əlaqədar təsdiq olunmuş Dövlət Proqramları uğurla icra olunmuşdur.

     Eyni zamanda cənab Əli Həsənov narkotik vasitələrin və psixotrop maddələrin qanunsuz dövriyyəsinə dair BMT-nin hesabatlarına əks olunan dünya üzrə göstəriciləri müqayisəli şəkildə təhlil edərək bu barədə məlumatı diqqətə çatdırdı.

     Tədbirdə görülmüş işlərə dair geniş məzurə ilə çıxış edən Dövlət Gömrük Komitəsi sədrinin birinci müavini cənab İsmayıl Hüseynov Azərbaycan Respublikası Prezidentinin 2018-ci il 15 noyabr tarixli Sərəncamı ilə Narkotiklərlə Mübarizə üzrə 36-cı Beynəlxalq Konfransının Bakı şəhərində keçirilməsi üzrə Təşkilat Komitəsi yaradıldıqdan dərhal sonra Dövlət Gömrük Komitəsi  tərəfindən ciddi hazırlıq işlərinə başlanıldığını diqqətə çatdırdı. Qeyd etdi ki, Dövlətimizin başçısının qarşıya qoyduğu vəzifələrin tam və vaxtında yerinə yetirilməsi üçün tədbirlər planına uyğun olaraq bütün təşkilati və digər işlər icraya yönəldilib.

  ABŞ-ın Narkotiklərlə Mübarizə İdarəsi Orta Şərq Regionu üzrə direktoru cənab Vilyam Varen çıxış edərək2019-cu ilin 16-18 aprel tarixlərində baş tutacaq bu konfransı narkomanlığa, narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizə istiqamətində nüfuzlu beynəlxalq tədbir olaraq səciyyələndirdi. Bu konfransın beynəlxalq təcrübənin bölüşülməsi, mühüm məsələlərin müzakirə olunması və ölkələrdə narkotiklərin qanunsuz dövriyyəsi ilə bağlı meyllərin və digər məlumatların mübadiləsi baxımından mühüm əhəmiyyət kəsb edəcəyini vurğuladı.

  Daha sonra çıxış edən ABŞ-ın ölkəmizdəki müvəqqəti işlər üzrə vəkili cənab Vilyam Gill konfransın beynəlxalq əməkdaşlığın gücləndirilməsinə mühüm töhfə verəcəyindən əmin olduğu bildirdi.

   İclas  qeyd olunan tədbirin yüksək səviyyədə təşkili üçün Azərbaycan Hökümətinin və ABŞ-ın Ədliyyə Nazirliyi nəzdində Narkotiklərlə Mübarizə üzrə Administrasiyasının üzərinə düşən vəzifə və öhdəliklər istiqamətində bütün təklif və suallarla bağlı fikir mübadiləsi aparıldı.

   Sonda Təşkilat Komitəsinin sədri cənab Əli Həsənov görüləcək işlərlə bağlı aidiyyəti üzrə müvafiq tövsiyyə və tapşırıqlarını verdi.

Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”na müvafiq olaraq 04 dekabr 2018-ci il tarixdə Qaradağ rayonu Sahil qəsəbəsində yerləşən 9 nömrəli Xüsusi internat məktəbində “Narkotiklər və psixotrop maddələr haqqında həqiqəti öyrənək” mövzusunda maarifləndirmə tədbiri keçirilmişdir .

Tədbirdə Qaradağ Rayon İcra Hakimiyyətinin, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası İşçi Qrupunun, Daxili İşlər və  Səhiyyə nazirliklərinin, o cümlədən Ailə, Qadın və Uşaq Problemləri üzrə Dövlət Komitəsinin əməkdaşları mövzu ətrafında çıxışlar edərək, dinləyicilərə narkotiklərin insan orqanizminə məhvedici təsiri, cəmiyyətə və insanların sağlamlığına  ziyanı və törətdiyi sosial bəlalar barədə ətraflı məlumat verdilər. O cümlədən asudə vaxtın səmərəli təşkilinin, idman, incəsənət və ictimai faydalı əməklə məşğul olmanın vacibliyi xüsusilə vurğulandı.

 Eyni zamanda tədbir çərçivəsində Dövlət Komissiyasının İşçi qrupu tərəfindən narkotik maddələrin qeyri-tibbi istehlakının profilaktikası, narkotik vasitələrdən və psixotrop maddələrdən sui-istifadə edən şəxslərin müəyyən edilməsinə kömək məqsədi hazırlanmış yaddaş kitabçaları və xəbərdarlıq vərəqələri iştirakçılara paylanılmışdır

Ədliyyə Nazirliyi Penitensiar Xidməti ilə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi qrupu arasında 2018-ci ilə dair təsdiq edilmiş “Tədbirlər Planı”na müvafiq olaraq, cari ilin 30 noyabr tarixində 16 və 11 saylı cəzaçəkmə müəssisələrində profilaktik tədbir həyata keçirilib.

   Tədbirlərdə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi qrupunun əməkdaşı mövzu ətrafında çıxış edərək narkotiklərin insan orqanizminə məhvedici təsiri, cəmiyyətə və insanların sağlamlığına ziyanı və törətdiyi sosial bəlalar barədə ətraflı məlumatlar verilmiş, iştirakçıları maraqlandıran suallar ətrafında geniş diskussiyalar aparılmışdır.

  Dövlət Komissiyasının İşçi qrupu tərəfindən hazırlanmış zəruri maarifləndirici çap məhsulları məhkumlar arasında paylanılmışdır. Bundan əlavə cəzaçəkmə müəssisəsinin oxu zalı əyani vəsaitlərlə təmin edilmişdir.

“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Tədbirlər Planının icrası istiqamətində Suraxanı rayonu Heydər Əliyev Mərkəzinin, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası İşçi Qrupunun, Rayon İcra Hakimiyyətinin və Rayon İdman və Gənclər İdarəsinin birgə təşkilatçılığı ilə.“Suraxanı gəncləri sağlam həyat tərzini seçirlər” mövzusunda  tədbir  keçirilmişdir.

Tədbirdə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası İşçi Qrupunun, Narkomanlığa və narkotik vasitələrin qanunsuz dövriyyəsinə qarşı mübarizə üzrə Suraxanı rayon komissiyasının üzvləri çıxış edərək narkomanlığın cəmiyyətə və insan sağlamlığına ziyanı, törətdiyi fəsadlar, maarifləndirmə işinin əhəmiyyəti və bu istiqamətdə yetkinlik yaşına çatmayanların və gənclərin təlim tərbiyəsinə, məşğulluğuna asudə vaxtlarının səmərəli təşkilinə diqqətin artırılması, idman, incəsənət və ictimai faydalı əməklə məşğul olmalarının vacibliyi xüsusilə vurğulandı.

 Sonda Dövlət Komissiyasının İşçi qrupu tərəfindən narkotik maddələrin qeyri-tibbi istehlakının profilaktikası, narkotik vasitələrdən və psixotrop maddələrdən sui-istifadə edən şəxslərin müəyyən edilməsinə kömək məqsədi hazırlanmış yaddaş kitabçaları və xəbərdarlıq vərəqələri iştirakçılara paylanılmışdır.

28 noyabr 2018-ci il tarixdə Sabunçu Rayon İcra Hakimiyyəti, Sabunçu Rayon Polis İdarəsi, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyanın İşçi Qrupunun və rayonun Bakıxanov qəsəbəsində yerləşən 148 nömrəli tam orta məktəbin birgə təşkilatçılığı ilə  məktəbin akt zalında “Narkomaniya bəşəriyyətin faciəsidir” mövzusunda maarifləndirici tədbir keçirildi.

  Tədbirdə Sabunçu Rayon İcra Hakimiyyəti başçısının I müavini Güloğlan Məmmədov,.Sabunçu rayon Polis İdarəsinin rəisi Eldar İlyasov, Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyanın İşçi Qrupunun əməkdaşı Raqif Allahverdiyev,  Rayon Gənclər və İdman İdarəsinin rəisi Rakif Əliyev və Səhiyyə Nazirliyinin Bakı şəhəri Narkoloji Dispanserinin Həkim-Narkoloqu Pərvin Abbaslı çıxış edərək respublikada narkomanlığın yayılması ilə mübarizənin gücləndirilməsi, antinarkotik təbliğat, maarifləndirmə yolu ilə narkotiklərin qanunsuz dövriyyəsinin və narkomanlığın yayılmasının qarşısının alınması, narkomanlığa düçar olmuş şəxslərin müalicə edilməklə sağlam həyata qaytarılması tədbirlərinin səmərəliliyi  haqqında danışaraq, gənc nəslin sağlamlığının qorunması istiqamətində fikir və təkliflərini  bildirdilər.

Sonda qonaqlar mövzu ətrafında şagirdləri maraqlandıran sualları cavablandırdılar.

  “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın müvafiq bəndlərinin icrası ilə əlaqədar, cari ilin 27 noyabr tarixində şagird və tələbələrin antinarkotik dünyagörüşünün formalaşdırılması məqsədi ilə Xəzər rayonu Buzovna qəsəbəsində yerləşən 8 nömrəli Sanatoriya tipli internat məktəbidə “Narkotiklər Haqqında Həqiqəti Öyrənək!” mövzusunda maarifləndirmə tədbiri keçirilmişdir.

Tədbirdə Xəzəz Rayon İcra Hakimiyyətinin, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası İşçi Qrupunun, Daxili İşlər, Təhsil, Səhiyyə nazirliklərinin, o cümlədən Ailə, Qadın və Uşaq Problemləri üzrə Dövlət Komitəsinin əməkdaşları mövzu ətrafında çıxışlar edərək, dinləyicilərə narkotiklərin insan orqanizminə məhvedici təsiri, cəmiyyətə və insanların sağlamlığına  ziyanı və törətdiyi sosial bəlalar barədə ətraflı məlumat verdilər. O cümlədən asudə vaxtın səmərəli təşkilinin, idman, incəsənət və ictimai faydalı əməklə məşğul olmanın vacibliyi xüsusilə vurğulandı.

 Eyni zamanda tədbir çərçivəsində Dövlət Komissiyasının İşçi qrupu tərəfindən narkotik maddələrin qeyri-tibbi istehlakının profilaktikası, narkotik vasitələrdən və psixotrop maddələrdən sui-istifadə edən şəxslərin müəyyən edilməsinə kömək məqsədi hazırlanmış yaddaş kitabçaları və xəbərdarlıq vərəqələri iştirakçılara paylanılmışdır.

 23 noyabr 2018-ci il tarixində Nazirlər Kabinetində Azərbaycan Respublikası Prezidentinin müvafiq Sərəncamı ilə yaradılmış Narkotiklərlə Mübarizə üzrə 36-cı Beynəlxalq Konfransın 2019-cu ildə Bakı şəhərində keçirilməsi ilə əlaqədar ilk hazırlıq iclası keçirildi.

İclasda Azərbaycan Respublikası Baş nazirinin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının və Təşkilat Komitəsinin sədri cənab Əli Həsənov, Dövlət Gömrük Komitəsinin sədri cənab Səfər Mehdiyev, Nazirlər Kabineti Aparatının Təhlükəsizlik və müdafiə məsələləri şöbəsinin müdiri Qulu  İmanquliyev, DGK-nin gömrük sahəsində hüquqpozmalara qarşı mübarizə Baş idarəsinin rəisi Məsum Rəsulov, DİN-in Baş Narkotiklərlə Mübarizə İdarəsinin rəisi Həzi Aslanov, Xarici İşlər və Maliyyə nazirliklərinin nümayəndələri və İDEC-in Ankara şəhər Ofisinin müdiri cənab Clement Sze, Ankara şəhər Ofisinin təhqiqatçısı cənab Adnan Mert və ABŞ-ın Narkotiklərlə Mübarizə Administrasiyasının Ankara ofisinin xüsusi agenti Jarrod Sumner iştirak edirdi.

Görüşü giriş nitqi ilə açan Təşkilat Komitəsinin sədri cənab Əli Həsənov narkotik vasitələrin qanunsuz dövriyyəsinə qarşı mübarizəni ümumdövlət vəzifəsi hesab edən Azərbaycan Respublikasının beynəlxalq birliyin bütün səylərini dəstəkləyərək Birləşmiş Millətlər Təşkilatının müvafiq konvensiyalarına qoşulduğunu, ölkəmizdə milli hüquqi bazanın yaradıldığını, Azərbaycan Respublikasının Prezidenti cənab İlham Əliyevin səmərəli fəaliyyəti nəticəsində ölkəmiz bütün sahələrdə böyük uğurlara imza ataraq, dövlətçiliyimiz, siyasi və iqtisadi müstəqilliyimiz daha da güclənərək, ölkənin davamlı və dayanıqlı inkişafı, sürətlə modernləşməsi təmin edilərək, Azərbaycan sürətlə inkişaf edən ölkələr sırasında layiqli yer tutduğunu diqqətə çatdırdı.

Paytaxtımızın bir sıra mötəbər tədbirlərə ev sahibliyi etdiyini qeyd edərək, Narkotiklərlə Mübarizə üzrə 36-cı Beynəlxalq Konfransınının burada baş tutmasını ölkəmizin beynəlxalq təşkilatlarla tərəfdaşlıq münasibətlərinin yüksək səviyyədə olduğunu göstərici kimi dəyərləndirdi.

Daha sonra İDEC-in bu sahədə öhdəlikləri, eyni zamanda tədbirin keçirilməsi üçün ev sahibliyi edən Azərbaycan Hökümətinin üzərinə düşən vəzifə və öhdəliklərin lazımi və zəruri təşkilatı işlərlə əlaqədar hazırlıq işlərinin qarşılıqlı əməkdaşlıq çərçivəsində görülməsi məqsədilə bütün təklif və suallarla bağlı geniş fikir mübadiləsi aparıldı.

Görüşün sonunda Təşkilat Komitəsinin sədri cənab Əli Həsənov gələn il ölkəmizdə keçiriləcək tədbirin yüksək səviyyədə təşkil olunacağına əminliklə görüş iştirakçılarının diqqətinə çatdırdı.

“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Tədbirlər Planının icrası ilə əlaqədar, Dövlət Komissiyasının İşçi Qrupunun təşkilatçılığı ilə narkotiklərin insan orqanizminə məhvedici təsiri, törətdiyi sosial bəlalar, həmçinin narkomanlığın cəmiyyətə və insanların sağlamlığına ziyanı barədə təbliğat aparılması məqsədi ilə cari ilin noyabr ayının 21-də "Gənclər sağlam həyat tərzini seçirlər” mövzusunda Nərimanov rayonu Azərbaycan Dövlət Bədən Tərbiyəsi və İdman Akademiyasıda maarifləndirmə tədbiri keçirilmişdir.

Tədbirdə Narkomanlığa və Narkotik vasitələrin Qanunsuz Dövriyyəsinə Qarşı Mübarizə Üzrə Dövlət Komissiyasının İşçi Qrupu rəhbərinin müavini Vasif Quliyev, Respublika Narkoloji Mərkəzinin həkim-narkoloqu, yazıçı Asif Kəngərli, Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin həkim-metodisti Şəhla Mirzəzadə, Nərimanov Rayon Gənclər və İdman İdarəsinin rəisi Nəcəf Novruzov, Narkomanlığa və Narkotik vasitələrin Qanunsuz Dövriyyəsinə Qarşı Mübarizə Üzrə rayon Komissiyasının üzvləri iştirak ediblər.

Həmçinin, tədbirdə narkotiklərin fəsadları barədə xəbərdaredici məlumatlar, xüsusi şüarlar əsk olunan zəruri təbliğat materiallarının paylanılması təmin olunmuşdur.

“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Tədbirlər Planının icrası ilə əlaqədar, Dövlət Komissiyasının İşçi Qrupunun təşkilatçılığı ilə narkotiklərin insan orqanizminə məhvedici təsiri, törətdiyi sosial bəlalar, həmçinin narkomanlığın cəmiyyətə və insanların sağlamlığına ziyanı barədə təbliğat aparılması məqsədi ilə cari ilin noyabr ayının 16-da “Narkotiklər və psixotrop maddələr haqqında həqiqəti öyrənək” mövzusunda İsmayıllı rayonunda maarifləndirmə tədbiri keçirilmişdir.

  Tədbirdə Ağsu Rayon İcra Hakimiyyətinin, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası İşçi Qrupunun, Daxili İşlər, Səhiyyə nazirliklərinin, o cümlədən Ailə, Qadın və Uşaq Problemləri üzrə Dövlət Komitəsinin əməkdaşları mövzu ətrafında çıxışlar edərək, dinləyicilərə narkotiklərin insan orqanizminə məhvedici təsiri, cəmiyyətə və insanların sağlamlığına  ziyanı və törətdiyi sosial bəlalar barədə ətraflı məlumat verdilər. O cümlədən asudə vaxtın səmərəli təşkilinin, idman, incəsənət və ictimai faydalı əməklə məşğul olmanın vacibliyi xüsusilə vurğulandı.

  Həmçinin, tədbirdə narkotiklərin fəsadları barədə xəbərdaredici məlumatlar, xüsusi şüarlar əsk olunan zəruri təbliğat materiallarının paylanılması təmin olunmuşdur.

  BMT-nin Yaxın və Orta Şərqdə narkotiklərin qanunsuz dövriyyəsi və aidiyyəti məsələlər üzrə alt-komissiyasının 53-cü sessiyası ilə bağlı BMT-nin Narkotiklər və Cinayətkarlıq üzrə İdarəsi (UNODC) və Dövlət Gömrük Komitəsinin birgə təşkilatçılığı ilə 19 noyabr 2018-ci il tarixində Bulvar oteldə geniş konfrans öz işinə başladı.

  Tədbirdə Azərbaycan Respublikası Baş nazirinin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri cənab Əli Həsənov, Dövlət Gömrük Komitəsinin sədri Səfər Mehdiyev, Daxili İşlər naziri Ramil Usubov, Dövlət Təhlükəsizliyi Xidmətinin rəisi Mədət Quliyev, Dövlət Sərhəd Xidmətinin rəisi Elçin Quliyev, BMT-nin Narkotiklər və Cinayətkarlıq üzrə İdarəsinin Mərkəzi Asiya üzrə Regional Nümayəndəliyinin rəhbəri xanım Aşita Mittal, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının üzvləri, BMT-nin İnkişaf Proqramının Azərbaycandakı Nümayəndəsi Qulam İsakzai, beynəlxalq və yerli humanitar təşkilatlar, tədbirlə əlaqəli ölkəmizə gəlmiş 27 ölkənin böyük nümayəndə heyəti və kütləvi informasiya vasitələrinin nümayəndələri iştirak edirdilər.

  Konfransa gələn qonaqlar ilk öncə Fəxri Xiyaban və Şəhidlər Xiyabanını ziyarət edərək Ulu Öndər Heydər Əliyevin və azadlığımız uğrunda canlarından keçən şəhidlərimizin məzərları önünə əklil qoydular.

  Tədbirdə Azərbaycan Gömrük Xidmətinin narkomaniyaya qarşı mübarizə mövzusunda beynəlxalq sərgi və müsabiqələrdə göstərilən ən uğurlu əsərləri nümayiş olundu.

  Rəsmi hissə ilk öncə ölkəmizin haqqında çəkilmiş qısametrajlı videoçarxla başladı.

  Tədbiri giriş nitqi ilə açan Azərbaycan Respublikası Baş nazirinin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri cənab Əli Həsənov sessiya iştirakçılarını Azərbaycan Hökuməti adından salamlayaraq, sessiyanın işinə uğurlar arzuladı. Qeyd etdi ki, Müasir inkişaf dövrü narkotiklərin qanunsuz dövriyyəsinin qloballaşması ilə səciyyələnir.

  Belə ki, dünyada geniş vüsət almış iqtisadi inteqrasiya, ticarət və nəqliyyat əlaqələrinin genişlənməsi prosesləri dünyanın bəzi regionlarında istehsal edilən narkotik vasitələrin digər ölkələrə yayılması ilə müşayiət olunur.

  Narkotik vasitələrin qanunsuz dövriyyəsinin bəşəriyyət üçün təhlükəliliyi milli, eləcə də beynəlxalq səviyyədə müvafiq nəzarət sisteminin tətbiq edilməsini zəruri edir. Narkotik vasitələrin qanunsuz dövriyyəsinə qarşı mübarizəni ümumdövlət vəzifəsi hesab edən Azərbaycan Respublikası beynəlxalq birliyin bütün səylərini dəstəkləyərək Birləşmiş Millətlər Təşkilatının müvafiq konvensiyalarına qoşulmuş, ölkəmizdə milli hüquqi baza yaradılmışdır.

  Bu problemlə əlaqədar Ölkə Prezidenti tərəfindən 13 Fərman və 54 Sərəncam verilmiş, 36 Qanun, Nazirlər Kabinetinin 23 qərarı və 5 sərəncamı qəbul edildiyini xüsusi vurğuladı. Azərbaycan Respublikasının Prezidenti cənab İlham Əliyevin səmərəli fəaliyyəti nəticəsində ölkəmiz bütün sahələrdə böyük uğurlara imza atıb, dövlətçiliyimiz, siyasi və iqtisadi müstəqilliyimiz daha da güclənib, ölkənin davamlı və dayanıqlı inkişafı, sürətlə modernləşməsi təmin edilib, Azərbaycan sürətlə inkişaf edən ölkələr sırasında layiqli yer tutub.

  Azərbaycan iqtisadiyyatının ümumi daxili məhsulu üç dəfədən çox artmışdır. Ölkə iqtisadiyyatına son 15 il ərzində 250 milyard dollardan çox sərmayə qoyulmuş, yoxsulluq səviyyəsi 49 faizdən 5,4 faizə düşüb, təkcə 2003-2018-ci illərdə regional inkişaf proqramları çərçivəsində Azərbaycanda 1,9 milyon yeni iş yeri yaradılmış və işsizlik hazırda 5 faiz səviyyəsində olduğunu qonaqların diqqətinə çatdırdı.

  Dövlət başçısı tərəfindən vətəndaşların sosial rifahının yüksəldilməsi, asudə vaxtının səmərəli təşkili, faydalı işlə məşğul olmalarına şərait yaradılması məqsədilə göstərilən böyük diqqət və qayğı nəticəsində təkcə regionlarda 40-dan çox olimpiya idman kompleksi inşa olunub, ölkəmiz I Avropa Oyunları, İslam Həmrəylik Oyunları, "Formula1” kimi digər mötəbər idman yarışlarına uğurla ev sahibliyi edib. Bu gün Azərbaycan dünyada həmdə idman ölkəsi kimi tanınır, idman uğurlarımız yüksək qiymətləndirilir, idmançılarımız beynəlxalq idman yarışlarında böyük nailiyyətlər qazanırlar.

  Hazırda Azərbaycan müasir nəqliyyat infrastrukturuna malik olmaqla beynəlxalq yük daşımalarda Avropa ilə Asiya arasında mühüm tranzit ölkəyə çevrilib. Narkotik vasitələrin qanunsuz dövriyyəsi ilə bağlı əsas problem xaricdən ölkə ərazisinə qaçaqmalçılıq yolu ilə gətirilən narkotiklərlə bağlıdır. Bəlli olduğu kimi bu, ilk növbədə Şərqdən Qərbə tranzit baxımından respublikanın əlverişli coğrafi mövqedə yerləşməsi ilə şərtlənir.

  Son dövrlər daxili işlər, gömrük, sərhəd, təhlükəsizlik orqanları tərəfindən müasir telekommunikasiya və informasiya vasitələrinin imkanlarından istifadə etməklə narkotiklərin qanunsuz dövriyyəsinə qarşı mübarizə işi gücləndirmiş, müxtəlif marşurutlar ilə narkotiklərin qaçaqmalçılıq yolu ilə daşınması hallarının aşkarlanması üzrə bir sıra qabaqlayıcı profilaktik və əməliyyat-axtarış tədbirləri həyata keçirilmiş və cinayətkarlardan külli miqdarda narkotik vasitələr götürülmüşdür.

  Belə ki, 2018-ci ilin 10 ayı ərzində 2655 fakt üzrə 2 ton 286 kiloqramdanartıq müxtəlif növ narkotik vasitələr və psixotrop maddələr qanunsuz dövriyyədən çıxarılmışdır ki, onlardan 1 ton 177 kiloqramını heroin təşkil etmişdir. Beləliklə, narkotiklərin qanunsuz dövriyyəsinin və narkomanlığın yayılmasının maarifləndirmə yolu ilə qarşısının alınması, narkomanlığa düçar olmuş şəxslərin müalicə edilməklə sağlam həyata qaytarılması istiqamətində sistemli fəaliyyət təmin edilmiş, müalicə-bərpa sahəsindəki fəaliyyət müasir dövrün tələblərinə uyğunlaşdırılmış, beynəlxalq təcrübə və informasiya sahəsində regional təşkilatlarla, həmsərhəd və digər dövlətlərlə sıx əməkdaşlıq münasibətləri qurulmuşdur. Lakin bir çox hallarda obyektiv səbəblərdən neqativ hallarla mübarizədə çətinliklər yaranır.

  Dünyanın bəzi bölgələrində hələ də davam edən hərbi münaqişələr və onların nəticəsində formalaşmış işğalçı rejimlər hakimiyyət orqanlarının və beynəlxalq təşkilatların nəzarət edə bilmədiyi ərazilərdə narkotik bitkilərin əkilib-becərilməsinə, narkotiklərin istehsalına, onların qanunsuz dövriyyəsinə və digər cinayətkarlıq yuvalarının yaranmasına gətirib çıxarmış və bu  fəaliyyətdən əldə edilən milyardlarla gəlir beynəlxalq terrorçuluğun maliyyələşdirilməsinə yönəldilir.

  Ermənistan dövlətinin və erməni millətçilərinin Azərbaycana qarşı təcavüzü nəticəsində torpaqlarımızın 20 faizi işğal edilib və etnik təmizləmə siyasəti nəticəsində 1 milyondan artıq soydaşımız qaçqın və köçkün vəziyyətinə düşübdür.

  Bununla bağlı BMT Təhlükəsizlik Şurasının qəbul etdiyi 4 qətnaməyə, ATƏT-in və Avropa Şurasının müvafiq qərarlarına baxmayaraq, Ermənistan silahlı qüvvələri işğalı bu günədək davam etdirdiyindən, Azərbaycanın İranla olan dövlət sərhədinin 132 kilometrlik hissəsi nəzarətsiz zonaya çevrilmişdir ki, həmin ərazilərdən də Avropaya və digər ölkələrə güclü narkotik axını həyata keçirilir və işğal olunmuş torpaqlarımızda ermənilər tərəfindən narkotik tərkibli bitkilərin becərilməsi, yeni növ narkotiklərin sintezi üzrə labaratoriyaların açılması, narkotiklərin istehsalı və tranzit bazasının yaradılması, onun satışından əldə edilən külli miqdarda gəlirin yeni silahların alınması, terrorçu qrupların yaradılması və onlara təlimlər keçirilərək digər münaqişə zonalarına istiqamətləndirilməsi təhlükənin miqyasını daha da artırır.

  Bu işğalçı siyasət beynəlxalq hüququn prinsipini və normalarını, demokratik dəyərlərini və insan hüquqlarını kobudcasına pozaraq yalnız region üçün deyil, həm də dünya üçün təhlükədir. Əminəm ki, BMT-nin Yaxın və Orta Şərqdə narkotiklərin qanunsuz dövriyyəsi və aidiyyəti məsələlər üzrə alt-komissiyasının 53-cü sessiyası narkomanlığa və narkotiklərin qanunsuz dövriyyəsinə qarşı mübarizədə öz dəyərli töhfəsini verəcək, beynəlxalq birliyin qəti iradəsini bir daha nümayiş etdirərək səylərimizi səfərbər edəcəkdir.

  Bildirmişdir ki, Beynəlxalq Norkotiklərlə Mübarizə Konfransın qərarına əsasən, Azərbaycan 2019-cu ildə bu mötəbər qurumun növbəti konfrasına ev sahibliyi etmək hüququ əldə etmişdir. Bununla əlaqədar olaraq Narkotiklərlə Mübarizə üzrə 36-cı Beynəlxalq Konfransın 2019-cu il 16–18 aprel tarixlərində Bakı şəhərində keçirilməsi ilə əlaqədar Azərbaycan Respublikası Prezidenti cənab İlham Əliyevin müvafiq sərəncamı ilə Təşkilat Komitəsi yaradılmışdır. Belə bir qərarın qəbul olunması ölkəmizin beynəlxalq təşkilatlarla tərəfdaşlıq münasibətlərinin yüksək səviyyədə olduğunu göstərir. Narkotiklərin qanunsuz dövriyyəsi və narkomanlıq problemi belə bir dünyəvi bəladır ki, heç bir ölkə təklikdə bu problemin qarşısını almaq iqtidarında deyil. Ona görə ölkəmiz dünya ölkələri, xüsusən qonşu ölkələr və beynəlxalq təşkilatlarla informasiya və təcrübə mübadiləsinə üstünlük verir.

  Sonda bu istiqamətdə görülən işlərdə BMT qurumları ilə əməkdaşlığın vacibliyini bildirdi.

  Daha sonra çıxış edən Dövlət Gömrük Komitəsinin sədri cənab Səfər Mehdiyev qaçaqmalçılığa qarşı mübarizə sahəsində köklü dəyişikliklər aparılması nəticəsində yüksək göstəricilərin əldə olunduğunu qeyd etdi. Bildirdi ki, gömrük xidmətində əməliyyat-axtarış fəaliyyətinin həyata keçirilməsi məqsədilə hədəflərin idarə olunması sistemi və mobil qruplar yaradılıb, bu işə bacarıqlı və bilikli kadrlar cəlb olunub, müasir texnika və avadanlıqlarla təchiz edilib.2018-ci il ərzində gömrük orqanları tərəfindən aşkarlanaraq müsadirə olunan narkotik vasitə, psixotrop maddə və onların prekursorları barədə geniş məlumat verdi.

  BMT-nin Narkotiklər və Cinayətkarlıq üzrə İdarəsinin Mərkəzi Asiya üzrə Regional Nümayəndəliyinin rəhbəri xanım Aşita Mittal öz növbəsində tədbirin bu cürə yüksək səviyyədə təşkilinə görə təmsil etdiyi qurum adından minnətdalığını bildirdi və narkotiklərlə mübarizə sahəsində beynəlxalq əməkdaşlığın inkişaf etdirilməsininin zəruriliyini vurğuladı.

  Tədbirin sonununda sessiya iştirakları birgə xatirə şəkli çəkdirdilər.

  Qeyd edək ki, Sessiya noyabrın 19-dan 23-dək davam edəcək. Burada regional və subregional əməkdaşlığın hazırkı vəziyyəti, alt komissiyanın 51-ci sessiyasında qəbul edilən tövsiyələrin həyata keçirilməsi, narkotiklərlə mübarizə üzrə kompleks və balanslaşdırılmış mübarizə strategiyasının hazırlanması və Baş Assambleyanın 2016-cı ildə keçirilmiş xüsusi sessiyasının qərarlarının (narkotik vasitələrə dair komissiyanın 62-ci sessiyası çərçivəsində keçiriləcək nazirlər səviyyəsində iclasların nəticələri nəzərə alınmaqla) icrası məqsədilə beynəlxalq əməkdaşlığın nizamlanmasına dair Siyasi Bəyannamə və Fəaliyyət Planının yerinə yetirilməsi ilə bağlı növbəti tədbirlər, narkotik vasitələrə dair komissiyanın bu qurumun köməkçi orqanlarının gücləndirilməsilə bağlı 60/1 qərarının icrası, alt komissiyanın 54-cü sessiyasının işinin təşkili və digər məsələlərin müzakirəsi nəzərdə tutulub.

  Sessiyada işçi qruplar tərəfindən - narkotiklərin ticarəti ilə əlaqədar çirkli pulların yuyulması, qanunsuz maliyyə axını, “darknet” şəbəkəsi və kriptovalyutalardan istifadəyə qarşı mübarizə, sintetik narkotiklər sahəsində təhlükəli tendensiyalara, o cümlədən yeni psixoaktiv maddələrin, eləcə də prekursorların və siyahıya daxil edilməmiş kimyəvi maddələrin qanunsuz dövriyyəsinə qarşı mübarizə, məlumat mübadiləsi məqsədilə regional əməkdaşlıq mərkəzləri arasında əlaqənin təmin olunması, hərtərəfli və alternativ inkişaf proqramlarının hazırlanması və həyata keçirilməsi məsələlərinə baxılması da planlaşdırılıb.

 “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Tədbirlər Planının icrası ilə əlaqədar, Dövlət Komissiyasının İşçi Qrupunun təşkilatçılığı ilə narkotiklərin insan orqanizminə məhvedici təsiri, törətdiyi sosial bəlalar, həmçinin narkomanlığın cəmiyyətə və insanların sağlamlığına ziyanı barədə təbliğat aparılması məqsədi ilə cari ilin noyabr ayının 15-də “Narkotiklər və psixotrop maddələr haqqında həqiqəti öyrənək” mövzusunda Ağsu rayonunda maarifləndirmə tədbiri keçirilmişdir.

  Tədbirdə Ağsu Rayon İcra Hakimiyyətinin, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası İşçi Qrupunun, Daxili İşlər, Səhiyyə nazirliklərinin, o cümlədən Ailə, Qadın və Uşaq Problemləri üzrə Dövlət Komitəsinin əməkdaşları mövzu ətrafında çıxışlar edərək, dinləyicilərə narkotiklərin insan orqanizminə məhvedici təsiri, cəmiyyətə və insanların sağlamlığına  ziyanı və törətdiyi sosial bəlalar barədə ətraflı məlumat verdilər. O cümlədən asudə vaxtın səmərəli təşkilinin, idman, incəsənət və ictimai faydalı əməklə məşğul olmanın vacibliyi xüsusilə vurğulandı.

  Həmçinin, tədbirdə narkotiklərin fəsadları barədə xəbərdaredici məlumatlar, xüsusi şüarlar əsk olunan zəruri təbliğat materiallarının paylanılması təmin olunmuşdur.